Maung Maung Wan- စစ်အာဏာရှင်စနစ်ကို ဇာတ်သိမ်းစေခဲ့တဲ့ နိုဘယ်လ်ငြိမ်းချမ်းရေးဆုရှင်အမျိုးသမီး

နိုဝင်ဘာ ၆၊ ၂၀၁၁

ခေါင်းစဉ်ကိုရုတ်တရက်ကြည့်လိုက်တော့ဒေါ်အောင်ဆန်းစုကြည်အကြောင်းလိုလို ဘာလိုလိုနဲ့။ ဒါပေမယ့် ရိုးတိုးရိပ်တိတ်အဆင့်ထက် ကျော်လွန်တဲ့တူညီမှုတွေရှိနေတဲ့ အာဖရိကတိုက်၊ လိုက်ဘေးရီးယားနိုင်ငံက အမျိုးသမီးသမ္မတ အယ်လင်ဂျွန်ဆင်ဆာလိ..ရဲ့ တစိတ် တဒေသပါ။ လိုက်ဘေးရီးယားနိုင်ငံရဲ့သမိုင်းကလည်း စိတ်ဝင်စားဘို့ကောင်းလှတယ်ဗျ။ ရင်ခုန်စရာတွေ၊ အသည်းယားစရာတွေ၊ ကြောက် စရာတွေအပြည့်နဲ့။ ယူတတ်မယ်ဆို သင်ခန်းစာတွေ တပုံကြီး။

၁၉၈၀ အထိ လိုက်ဘေးရီးယားနိုင်ငံဟာ တပါတီအုပ်ချုပ်ရေးပုံစံနဲ့ အုပ်ချုပ်တယ်။ ၁၉၈၀ မှာတော့ စစ်တပ်ကအာဏာသိမ်းယူပြီး အပြင်း အထန်နှိပ်ကွပ်မှုတွေ၊ သတ်ဖြတ်မှုတွေအမြောက်အများကို ကျူးလွန်တော့တာပါပဲ။ စစ်အာဏာသိမ်းမှုကို ဦးဆောင်သူက ဆင်မြူရယ် ဒိုး ဆိုသူဖြစ်တယ်။သူဟာ အရင်အစိုးရလက်ထက် သမ္မတ ၀ီလျှံတွိုင်းဘတ်ဆိုသူအပါဝင် အစိုးရအဖွဲ့ဝင်တော်တော်များများကို လိုက်ဘေးရီးယားနိုင်ငံရဲ့မြို့တော် မွန်ရိုးဗီးယားဆိုတဲ့မြို့ရဲ့ကမ်းခြေတခုမှာ သစ်လုံးတိုင်မှာ ကပ်တန်းစီပြီး သေနတ်နဲ့ပစ်သတ်လိုက်တယ်။ နောက်များမှာ လည်း အစုလိုက်အပြုံလိုက် သတ်ဖြတ်မှုတွေ လဒ်ပေး လဒ်ယူမှုတွေ၊ အာဏာအလွှဲသုံးစားလုပ်မှုတွေတပြုံကြီးကို ဆက်လက်ကျူးလွန် ရင်း တိုင်းပြည်ဟာ လုံးပါးပါးလာခဲ့တော့တယ်။ စစ်အာဏာသိမ်းခေါင်းဆောင် ဆင်မြူရယ်ဒိုးဟာ အရင်အစိုးရလက်ထက် သမ္မတဟောင်း နဲ့ အစိုးရအဖွဲ့ဝင်ဟောင်းတွေကို သတ်ဖြတ်ခဲ့တုန်းကများဆိုရင် အဲဒီညမှာ အောင်သေအောင်သား စားပွဲသဘင်တောင်ကျင်းပရင်း တရားသောစစ်ပွဲကိုဆင်နွဲခဲ့တဲ့စစ်သူကြီးတဦးပမာ ဂုဏ်ယူဝံ့ကြွားမှုအပြည့်နဲ့ပေါ့။

ဒီလိုနဲ့ ဆင်မြူရယ်ဒိုးအစိုးရအဖွဲ့ထဲက ချားတေလာဆိုသူကို သူက ဒေါ်လာတသန်းလဒ်စားမှုနဲ့ ထောင်ချပစ်လိုက်တယ်။ ချားတေလာ က ထောင်ကလွတ်လာတော့ လိုက်ဘေးရီးယားနိုင်ငံမှာမနေတော့ပဲ နိုင်ဂျီးယားနိုင်ငံထဲကို ထွက်ပြေးသွားခဲ့တယ်။ လူသူလက်နက်စုဆောင်း ပြီး ဆင်မြူရယ်ဒိုးကိုတော်လှန်တော့တာပဲ။ အဲဒီမှာတင် လိုက်ဘေးရီးယားနိုင်ငံပြည်တွင်းစစ်ဟာ အကြီးအကျယ်စတင်ဖြစ်ပွားခဲ့တယ်။ ပြည်သူလူထုတရပ်လုံးကလည်း ဆင်မြူရယ်ဒိုးအစိုးရကို မကျေနပ်တော့ဘူး။ တော်လှန်သူ ချားတေလာကိုလည်း သွားလေသူ လစ်ဗျား ခေါင်းဆောင် ကဒါဖီက သွေးထိုးမြှောက်ပေးတယ်။ ချားတေလာရဲ့လက်နက်ကိုင်တပ်တွေဟာ တဖြည်းဖြည်းနဲ့ လိုက်ဘေးရီးယားနိုင်ငံကိုသိမ်းပိုက်လာရင်း ချားတေလာနဲ့လက်တွဲဖော် မင်းသားဂျွန်ဆင်ဆိုသူက တခါ ချားတေလာနဲ့ လမ်းခွဲလိုက်ပြန်ရော။ ဒါပေမယ့် သူတို့နှစ်ဦးက သဘောထားမတ့ကြပေမယ့် ဆင်မြူရယ်ဒိုးကိုတော်လှန်တဲ့နေရာမှာတော့ တပြိုင်နက်ထဲတော်လှန်တိုက်ခိုက်ကြတယ်။ လိုက်ဘေးရီး ယားနိုင်ငံကြီးတခုလုံးဟာ စစ်တလင်းပြင်ဖြစ်ခဲ့ရတယ်လေ။ တနေ့မှာတော့ မင်းသားဂျွန်ဆင်ရဲ့သူပုန်တပ်တွေက မြို့တော် မွန်ရိုးဗီးယားကို ၀င်တိုက်ခိုက်ရာက စစ်အာဏာရှင်သမ္မတ ဆင်မြူရယ်ဒိုးကို အရှင်လက်ရဖမ်းဆီးနိုင်ခဲ့တယ်။ ဒီတခါ အောင်သေအောင်သား အစားခံရသူက ဆင်မြူရယ်ဒိုး …။

အခန်းကျယ်ကျယ်တခုမှာ မင်းသားဂျွန်ဆင်က စားပွဲခုံနောက်က ထိုင်ခုံပေါ်မှာထိုင်ရင်း ဘီယာသောက်အမြည်းစားမပျက် စကားတွေခြွေ လို့ ယက်ခပ်ပေးသူနဲ့၊ မျက်နှာသုတ်ပေးသူနဲ့ သမ္မတဟောင်း ဆင်မြူရယ်ဒိုးခမျာ အ၀တ်စားမဲ့ ခန္ဓာကိုယ်ကို လက်ပြန်ကြိုးတုတ်ရင်း ကြမ်း ပြင်ပေါ်မှာ ရာဇအိနြေ္ဒမရှိ၊ အရူးကြီးတယောက်လိုပဲ။ မင်းသားဂျွန်ဆင်ကိုလည်း မင်းသား မင်းသားနဲ့ခေါ်ရင်း ဆင်ခြေပေးနေရတာလည်း အမောသား။ ဒီလိုနဲ့ အပြန်အလှန်ပြောနေရင်းက မင်းသားဂျွန်ဆင်ရဲ့တပ်သားတွေက သမ္မတဟောင်း ဆင်မြူရယ်ဒိုးကိုဆွဲလှဲပြီး နားရွက် တဘက်ကို အစိမ်းလိုက်ဖြတ် သူ့ဗိုက်ပေါ်တင်ထားလိုက်တယ်။ ခန္ဓာကိုတခုလုံးကိုလည်း ဓါးနဲ့ခပ်ပါးပါးလိုက်မွှမ်း ရဲဘော်တွေက ခြေ ထောက်တွေနဲ့ သူ့ခေါင်းပေါ်သူ့ပုခုံးပေါ်ကိုတက်နင်းထားရင်း ဂုဏ်ယူလို့။ အပြုံးတွေကိုယ်စီနဲ့ (တခါက ဆင်မြူရယ်ဒိုးလည်း သူ့အရင် သမ္မတဟောင်းကို ဒီလိုသတ် ဒီလိုပျော်ခဲ့ဘူးပါတယ်) နောက်တော့ သတ်ပစ်လိုက်တယ်။

ဆင်မြူရယ်ဒိုး ရက်ရက်စက်စက် အသတ်ခံလိုက်ရပြီး လိုက်ဘေးရီးယားနိုင်ငံကို ချားတေလာက ဆက်လက်အုပ်ချုပ်ခဲ့တယ်။ ချားတေ လာက တခါ မင်းသားဂျွန်ဆင်နဲ့တပ်ဖွဲ့တွေကို နှိပ်ကွပ်လို့ ပြည်တွင်းစစ်က မဆဲ။ မင်းသားဂျွန်ဆင်လည်း မနိုင်တော့တဲ့အဆုံး သူလည်း နိုင်ဂျီးရီးယားနိုင်ငံထဲကိုထွက်ပြေးခဲ့ရတယ်လေ။ အဲဒီရောက်တော့ သူတော်တော်တရားကျသွားပုံရတယ်။ ခရစ်ယာန်ဘာသာကို လေးလေး နက်နက်ခံယူယုံကြည်ပြီး ဘာသာရေးအဆုံးအမတွေနဲ့ ကျင့်ကြံနေထိုင်ခဲ့တယ်။ သူရက်စက်ခဲ့တဲ့ ဆင်မြူရယ်ဒိုးမိသားစုနဲ့ နိုင်ဂျီးရီးယားမှာ ဆုံလိုက်ရတဲ့အခါမှတော့ သူတော်တော်ကြေကွဲသွားတယ်လို့ စာထဲမှာဖတ်လိုက်ရပါတယ်။

အာဏာရှင်ကို လက်နှက်ကိုင်ဆန့်ကျင်တော်လှန်ရင်း အာဏာရယူခဲ့တဲ့ ချားတေလာလည်း သူ့ထက်သူလူစွမ်းကောင်းဖြစ်လာတယ်လေ။ ပထမပိုင်းမတော့ လွတ်လပ်ပြီးတရားမျှတတဲ့ရွေးကောက်ပွဲတွေ ဘာတွေ ကျင်းပပေးသေးတယ်ဗျ။ အဲဒီရွေးကောက်ပွဲမှာ အခုသမ္မတဖြစ် နေတဲ့ နိုဘယ်လ်ငြိမ်းချမ်းရေးဆုရှင် အဲလင်လည်း ၀င်ယှဉ်ပြိုင်ခဲ့သေးတယ်။ ဒါပေမယ့် သူမနိုင်ဘူး။ လွတ်လပ်ပြီး တရားမျှတတဲ့ရွေးကောက်ပွဲ ဆိုတာကိုတော့ နိုင်ငံတကာကလေ့လာသူများက ၀န်ခံခဲ့တယ်။ တဖြည်းဖြည်းနဲ့ ချားတေလာရဲ့အာဏာရှင်စရိုက်တွေဟာ တော်တော်ဆိုး လာတယ်။ သူလည်း ရှေ့က ဆင်မြူရယ်ဒိုးလို လူတွေအများကြီးသတ်၊ ထောင်ချ၊ ရက်ရက်စက်စက်နှိပ်ကွပ်ခဲ့တာ (ဒီလိုလူကို လူထုက ဘာလို့ ထောက်ခံမဲတွေပေးပြီး နိုင်ငံတော်အကြီးအကဲအဖြစ်ရွေးချယ်ခဲ့တာလည်းဆိုတော့ သူ့ကိုသာအနိုင်မပေးရင် ပြည်တွင်းစစ်ဟာ နောက်တကျော့ ကြီးကြီးကျယ်ကျယ်ပြန်ဖြစ်လာမှာကို လူထုက သိနေတယ်လေ)။

လိုက်ဘေးရီးယားနိုင်ငံမှာ အဲဒီကာလများစွာက လူငယ်တွေရဲ့ခေါင်းထဲမှာစွဲနေတာ လက်နက်ရှိရင် အာဏာရှိတယ်။ တလက်ရှိရင် တလက်အာဏာ၊ နှစ်လက်ရှိရင် နှစ်လက်အာဏာ၊ အများကြီးရှိရင် အများကြီးအာဏာတည်တယ်တဲ့။ အာဏာရှိသူက အာဏာမဲ့သူကို အရာရာအနိုင်ကျင့်တယ်။ သူတို့နဲ့ အင်တာဗျူးတဲ့ဗွီဒိယိုကိုကြည့်လိုက်ရတဲ့အချိန်မှာ ကိုယ့်နိုင်ငံအတွက် ရတက်မအေးဖြစ်မိတာအမှန်ပဲ။

ချားတေလာလက်ထက်မှာ ကမ္ဘာမှာနံမည်ကြီးတာတခုရှိတယ်။ အဲဒါ ဘာလည်းဆိုတော့ လိုက်ဘေးရီးယားနိုင်ငံကထွက်တဲ့စိန်ကို သွေးစွန်း နေသောစိန်များဆို သတ်မှတ်ပြီး သပိတ်မှောက်ခံရတာပါပဲ။ ချားတေလာရဲ့တပ်သားတွေဟာ စိန်ထွက်ရာအရပ်တွေမှာ စိန်ရှာဖွေလို့ရတဲ့ နိုင်ငံသားတွေကို ပစ္စည်းလည်းယူ လူလည်းအပျောက်ရှင်းဆိုတာမျိုးတွေ၊ လူတွေကို မတရားခိုင်းစေပြီး စိန်အရှာခိုင်းတဲ့အတွက် သေကြေ ကြတဲ့လူဦးရေဆိုတာ သိန်းနဲ့ချီရှိခဲ့ပါတယ်။ နောက်တော့ ချားတေလာကိုဆန့်ကျင်တဲ့ လက်နက်ကိုင်သူပုန်တွေက တိုက်ခိုက်ကြပြန်တော့ပြည်တွင်းစစ်မီးဟာ တဟုန်ငြီးငြီးတောက်လောင်ရပြန်ရှာတယ်။ သူကလည်း ပတ်ဝန်းကျင်နိုင်ငံတွေနဲ့မတဲ့ဘူး။ အဲဒီနိုင်ငံတွေကို ဆန့်ကျင် တဲ့အင်အားစုတွေကို သူက အထောက်အပံ့ပေးတယ်။ သူကိုယ်တိုင်ကလည်း ကဒါဖီလို နာမည်ဆိုးနဲ့ကျော်ကြားတဲ့သူရဲ့အထောက်အပံ့ တွေကို စဉ်ဆက်မပြတ်လက်ခံတယ်။ အဲဒီတော့ ပတ်ဝန်းကျင်နိုင်ငံတွေက သူ့ကိုအမြင်ကပ်လို့ ဆန့်ကျင်တဲ့သူပုန်အင်အားစုတွေကို အထောက်အပံ့ပြုတယ်။ သူပုန်အင်အားစုတွေက အင်အားကောင်းလာပြန်တယ်။ လိုက်ဘေးရီးယားရဲ့ပြည်တွင်းစစ်မီးမှာ ထပ်တခါ ပြည်သူတွေ အများအပြား သေကျေပျက်စီး၊ အငတ်ဘေးဆိုက်နဲ့ နိုင်ငံတကာငြိမ်းချမ်းရေးတပ်များအပါဝင် အကူညီတွေနဲ့ဝင်ရတဲ့အခြေနေကို ဆိုက်ရောက်လာတော့မှ ချားတေလာလည်း နိုင်ဂျီးယားနိုင်ငံဆီကို ထွက်ပြေးသွားတော့တယ်။ နိုင်ငံကို သူ့လက်အောက်က ဒုသမ္မတနဲ့လွှဲ ပြောင်းထားပေးခဲ့တယ်။ အာဏာရှင်ကိုတော်လှန်ရင်း အာဏာရှင်တွေဖြစ်ကုန်၊ နောက်ထပ်အာဏာရှင်လုပ်ချင်နေသူများက ပြည်တွင်းစစ် ကိုဖန်တီးနဲ့ လိုက်ဘေးရီးယားနိုင်ငံဟာ ကမ္ဘာ့အဆင်းရဲဆုံးနိုင်ငံတွေထဲက တနိုင်ငံဖြစ်ခဲ့တယ်။ ချားတေလားလည်း နိုင်ငံတကာရာဇ၀တ်ခုံရုံး မှာ စစ်ရာဇ၀တ်မှုတွေနဲ့ တရားစွဲခံရပြီး ရင်ဆိုင်နေရတာ ခုထိပါပဲ။ တရားကျစရာတခုက နိုင်ငံတကာရာဇ၀တ်ခုံရုံးမှာတရားစွဲဆိုဘို့ သူ့ကို ဖမ်းဆီးပြီးပို့တော့ လေယာဉ်ပေါ်ကအဆင်းရိုက်ထားတဲ့ပုံထဲမှာ လက်ထိပ်ကလည်း ခပ်ထားခံရတော့သူ့မျက်နှာဟာ ဇီးရွက်လောက်လေး ပဲရှိတယ်။

● နိုဘယ်ငြိမ်းချမ်းရေးဆုရှင် အယ်လင်ဂျွန်ဆင်ဆာလိ
သူ့ကို တချို့က အယ်လင်လို့လည်းခေါ်တယ်။ တချို့ကတော့ ဆာလိလို့ခေါ်ကြတယ်။ ပညာတတ်တယောက်ဖြစ်ပြီး ၊ အမေရိကန် ဟားဗတ် တက္ကသိုလ်က စီးပွားရေးပညာရပ်နဲ့ မဟာဘွဲ့ရခဲ့သူဖြစ်တယ်။ သူက သမ္မတ ၀ီလျှံတွိုင်းဘတ် လက်ထက်မှာ ဘဏ္ဍာရေးဝန်ကြီးအဖြစ်တာဝန် ထမ်းရွက်ခဲ့ဘူးသူ။ ၁၉၈၀ မှာ စစ်အာဏာသိမ်းတော့ ဆင်မြူရယ်ဒိုးကသူ့ကိုဖမ်းဆီးထောင်ချပစ်လိုက်တယ်။ ထောင်ကလွတ်လာတော့ လည်း အကြိမ်ကြိမ်နေအိမ်အကျယ်ချုပ်နဲ့ နေထိုင်ခဲ့ရတယ်။ ဖိအားတွေအမျိုးမျိုးနဲ့ လိုက်ဘေးရီးယားနိင်ငံထဲမှာနေနေရစဉ် ဘယ်လိုမှ ကိုယ့်တိုင်းပြည်ကိုနေလို့မရတဲ့ အကြောင်းတရားတွေက ပေါ်ပေါက်လာခဲ့တယ်။ ဒါတွေအားလုံးကို စစ်အာဏာသိမ်းခေါင်းဆောင် ဆင်မြူ ရယ်ဒိုးက အကွက်ကျကျ ဖန်တီးခဲ့တာတွေပါ။သူ့အသက်အန္တရာယ်ကိုစိုးရိမ်ရတဲ့အခြေနေထိ ဖြစ်လာခဲ့တယ်။ ဆင်မြူရယ်ဒိုးရဲ့တပ်သား တွေက သူမကို မုဒိန်းကျင့်ဘို့ထိ ကြိုးစားခြင်းခံခဲ့ရတယ်။ အားလုံးက သူမကိုဝိုင်းဖမ်းပြီး မုဒိန်းကျင့်လုဆဲဆဲအချိန်မှာ သူမကပြောလိုက် တယ် …။

“ငါ မင်းတို့လက်ထဲမှာရောက်နေပြီ။ ငါ့မှာ ခုခံနိုင်တဲ့အင်အားလည်း မရှိဘူး။ ငါက မိန်းမသားပဲ။ ဒါပေမယ့် တခုတော့ပြောပါရစေ။ ငါ့ကို မင်းတို့မိခင်တယောက်လို့ စဉ်းစားကြည့်ပေးစမ်းပါ …” ဒါနဲ့ သူလည်း မုဒိန်းကျင့်ခံရဆဲဆဲအချိန်လေးက လွတ်မြောက်သွားခဲ့တယ်။ သူ ဆက်ပြီး လိုက်ဘေးရီးယားနိုင်ငံထဲမှာ ဆက်လက်နေထိုင်လို့မရနိုင်တော့ဘူးဆိုတာ သဘောပေါက်ခဲ့တယ်။ ဒါ့ကြောင့် ပြည်ပကိုထွက်ပြေးတိမ်းရှောင်လာပြီ ပြည်ပြေးဘ၀ကိုရောက်သွားတယ်။

ပြည်ပမှာနေထိုင်နေစဉ်ကာလတွေအတွင်းမှာ ကမ္ဘာ့ဘဏ်နဲ့ ကုလသမဂ္ဂမှာ အဆင့်မြင့်တာဝန်တွေကို ထမ်းဆောင်ခဲ့တယ်။ စစ်အာဏာရှင် ဆင်မြူရယ်ဒိုးကိုတော်လှန်နေတဲ့ နောက်ထပ်အာဏာရှင်ဖြစ်လာမဲ့ ချားတေလာကို သူမက အထောက်အပံ့တွေ အကူညီတွေပေးခဲ့ ဘူးတယ်။ ချားတေလာအာဏာရလာပြီး ၁၉၉၇ မှာတော့ လွတ်လပ်ပြီးတရားမျှတတဲ့ရွေးကောက်ပွဲကို ကျင်းပပေးပါမယ်ဆိုလို့ ပြန်လာပြီး မဲဝင်ရောက်အရွေးချယ်ခံရာမှာ ဒုတိယမြောက် မဲအများဆုံးရရှိသူဖြစ်ခဲ့တယ်။ ဒါပေမဲ့ ချားတေလာက သူမဟာ သူ့ရဲ့အာဏာကိုခြိမ်းခြောက် နေသူတစ်ယောက်ဖြစ်တယ်လို့ယုံကြည်ခဲ့အပြီး၊ သူမကို ဖိအားတွေအမျိုးမျိုးပေးလာပြန်တယ်။ ထုံစံအတိုင်း အသက်အန္တရာယ်အထိပါ နီး စပ်လာတဲ့အတွက် တိုင်းပြည်က ထွက်ခွာခဲ့ရပြန်တယ်။ အဲဒီကာလတွေမှာ အိုင်ဗိုရီကို့စ်နိုင်ငံမှာနေထိုင်ခဲ့ပြီး လိုက်ဘေးရီးယားနိုင်ငံ အာ ဏာရှင်လက်အောက်ကလွတ်မြောက်ဘို့နဲ့ ပြန်လည်ထူထောင်ရေးတွေလုပ်ဘို့ နိုင်ငံတကာနဲ့ ပူးပေါင်းဆောင်ရွက်မှုတွေလုပ်ဆောင်ခဲ့တယ်။ သူ့ကို နိုင်ငံတ၀ှမ်းမှာရှိတဲ့ အထူးသဖြင့် အမျိုးသမီးထုကြီးက အလွန်မှချစ်ခင်ကြတယ်။

အာဏာရှင် ချားတေလာ တိုင်းပြည်မှစွန့်ခွာထွက်ပြေးပြီး အမျိုးသားအသွင်ကူးပြောင်းရေးအစိုးရကို ဖွဲ့စည်းခဲ့တယ်။ အဲဒီ အစိုးရအဖွဲ့မှာ သူမကို အစိုးရပြန်လည်ပြုပြင်ရေးကော်မရှင်ရဲ့ ဥက္ကဌအဖြစ် ခန့်အပ်ခြင်းခံရတယ်။ အာဏာအလွဲသုံးစားလုပ်မှုတွေ၊ တိုင်းပြည်ချစားမှုတွေ၊အထွေထွေဆင်းရဲကျပ်တည်းမှုတွေကိုကျော်လွန်ဘို့ နေ့မအားညမအား လုပ်ဆောင်ခဲ့တယ်။ ၂၀၀၅ ခုနှစ်မှာတော့ အောင်မြင်စွာ လုပ် ဆောင်နေတဲ့ အဲဒီ့အဖွဲ့ကနေ နှုတ်ထွက်လိုက်တယ်။ ဘာဖြစ်လို့လည်းဆိုတော့ သူမဟာ သမ္မတအဖြစ်အရွေးချယ်ခံဘို့ ဆုံးဖြတ်လိုက်ပြီ။

ရွေးကောက်ပွဲစည်းရုံးရေးကာလတွေမှာ သူမပြောခဲ့တဲ့စကားတွေဟာ စိတ်ဝင်စားစရာ အလွန်ကောင်းလှပါတယ်။ လိုက်ဘေးရီးယား ရဲ့၁၄နှစ်တာ ပြည်တွင်းစစ်ကာလများမှာ အာဏာရှင်ကိုမကြိုက်လို့ တော်လှန်ရင်းအာဏာရှင်ပေါ်ပေါက်ခဲ့ရတယ်။ တိုင်းပြည်စစ်တလင်း ဖြစ်ခဲ့ရတယ်။ တိုင်းပြည်ဟာ အထွေထွေအကြပ်အတည်းတွေနဲ့ ရင်ဆိုင်နေရဆဲပဲဖြစ်တယ်။ လျှပ်စစ်မီးဆိုတာမရှိဘူး။ ရေသွင်းရေနှုတ် မြောင်းစနစ်ဆိုတာမရှိဘူး။ ဆေးရုံတွေ စာသင်ကျောင်းတွေဆိုတာလည်း ပျက်စီးနေပြီ။ အဲဒီတော့ ကျမတို့ အာဏာရှင်စနစ်ဆိုးကို မြေမြှုပ် သဂြိုလ်ပစ်ရမယ်။ ဒီလိုလုပ်ဘို့ဆိုတာ အကြမ်းဖက်တဲ့စနစ်နဲ့ သွားလို့မရဘူး။ အကြမ်းမဖက်တဲ့စနစ်နဲ့ သွားမှရမယ်။ ကျမ သင်ခန်းစာရ လိုက်တာက အကြမ်းဖက်တော်လှန်တိုင်း အာဏာရှင်ပြန်ဖြစ်တယ်ဆိုတဲ့ သာဓကပဲ။ ဒါကို ကျမလက်မခံတော့ဘူ။ အကြမ်းမဖက်တဲ့ လမ်းစဉ်နဲ့ ဒီမိုကရေစီကို ထူထောင်မယ်။ တိုင်းပြည်ကိုထူထောင်မယ်။ နိုင်ငံသားတွေဘ၀လုံခြုံအောင်စီမံမယ်။ ကျမကို ချစ်တဲ့သူတွေသာ လျှင်မကဘူး။ မုန်းတဲ့သူတွေအတွက်လည်းတိုးတက်နိုင်ရေးကိုဦးတည်မယ်။ အားလုံး … အားလုံး …လိုက်ဘေးရီးယားနိုင်ငံသူနိုင်ငံသားတွေအားလုံးအတွက်ကျမကြိုးစားချင်တယ်။ အရေးကြီးဆုံးတချက်က အာဃာတတွေဖယ်ဖျောက်ပါ။ ဒါအလုပ်မဖြစ်ဘူး။ အပြန်အ လှန်သတ်ဖြတ်မှုတွေ အလုပ်မဖြစ်ဘူး။ တိုင်းပြည်နစ်နာလှပါတယ်။ ဒီလိုပြောလိုက်လို့ ကျမက မစာမနာပြောတယ်လို့ မယူဆပါနဲ့။ ကျမ ကိုယ်တိုင်လည်း ဘယ်လောက်ထိနစ်နာခဲ့တယ်ဆိုတာ အားလုံးသိပါတယ်”

သမ္မတလောင်းအတွက် မဲဆွယ်စည်းရုံးရေးခရီးစဉ်တလျှောက်မှာ သူမကိုအားပေးကြတဲ့ ပရိတ်သတ်ကြီးဟာ ကြောက်ခမန်းလိလိပါပဲ။ လူထုဟာ သူမကို အားကိုးတယ်။ ဒါပေမဲ့ ဒီကြားထဲမှာ ချားတေလာလက်ထက်အသတ်ခံခဲ့ရတဲ့ မိသားစုဝင်တွေဟာ ချားတေလာ ကိုထောက်ခံခဲ့တဲ့ အင်အားစုတွေ တပ်သားဟောင်းတွေကို လက်တုန့်ပြန်လိုကြတယ်။ အကြမ်းဖက်လိုကြတယ်။ ဒီကိစ္စကို ကိုင်တွယ် ဖြေရှင်းရာမှာ သူမရဲ့ဖြေရှင်းပုံလေးဟာ အတုယူစရာပါ။ အဲဒီ့မိသားစုတွေကိုစုဝေးစေခဲ့ပြီး ထပ်တူဝမ်းနည်းကျေကွဲတယ်။ ကောင်းရာဘုံဘ၀ ရောက်ဘို့ဆုတောင်းတယ်။ နောက်တခါဒါမျိုးအဖြစ်ဆိုးတွေနဲ့ မကြုံတွေ့ရဘို့ဆုတောင်းတယ်။ ကျန်ရှိနေတဲ့မိသားစုဝင်တွေကို မေးခွန်း မေးတယ်။

“သေဆုံးသွားတဲ့သူတွေဟာ ကောင်းရာဘုံဘ၀မှာ ပျော်ရွင်နေကြလောက်ပါပြီ။ ကျန်နေသေးတဲ့သူတွေ ဘာဆက်လုပ်ကြမလည်း လက် တုန့် ပြန်ရင်းနဲ့ ပြည်တွင်းစစ်ကိုပြန်သွားရင်း အငတ်ခံကြမလား။ တိုင်းပြည်ပြန်လည်ထူထောင်ရေးကို လုပ်ကြမလား။ ရွေးချယ်ကြရအောင်။ လက်တုန့်ပြန်တိုက်ခိုက်ခြင်းကြောင့်ရရှိလာမယ့် ခံစားရမယ့်အကျိုးဆက်က စိတ်အာသာပြေခြင်းတခုပါပဲ။ ကျန်တာ ဘာမှအကျိုးအမြတ် မရှိပါဘူး” ကျန်ရှိနေကြတဲ့ အားလုံးသောမိသားစုဝင်တွေဟာ သူနဲ့အတူ ထပ်တူခံစားခဲ့ရတယ်။ သူမက ပရိပ်သတ်ကို မေးခွန်းမေးခဲ့တယ်။

“ကျမတို့တတွေ ငုတ်တုတ်အငတ်ခံကြမလား … ….(မခံပါဘူး)
“ကျမတို့တတွေ မလုံခြုံတဲ့ဘ၀တွေနဲ့ နေချင်ကြသလား … ….. (မနေချင်ပါဘူး)
“အဲဒီတော့ တိုင်းပြည်ပြန်လည်ထူထောင်ရေးကို ၀ိုင်းဝန်းကြိုးစားလုပ်ဆောင်ရအောင်ပါ …”

၂၀၀၆ ခု၊ ဇန်န၀ါရီလ ၁၆ ရက်နေ့မှာတော့ အယ်လင်ဂျွန်ဆင်ဆာလိဟာ အာဖရိကတိုက်မှာ ပထမဆုံးအမျိုးသမီးသမ္မတအဖြစ် လိုက်ဘေး ရီးယားနိုင်ငံလူထုက ရွေးချယ်ခဲ့ပါတယ်။ သူမရဲ့သမ္မတသက်တမ်းကာလအတွင်းမှာ လိုက်ဘေးရီးယားနိုင်ငံကို လွတ်လပ်မှု၊ တရားမျှတမှု၊ တန်းတူညီမျှမှုဆိုတဲ့မူတွေကိုင်ဆွဲပြီး အထွေထွေပြဿနာတွေကို ရင်ဆိုင်ဖြေရှင်းခဲ့ပါတယ်။၂၀၁၀ မှာတော့ လိုက်ဘေးရီးယားနိုင်ငံရဲ့နိုင်ငံခြား ရင်းနှီးမြူတ်နှံငွေဟာ ဒေါ်လာ ၁၄ ဘီလျှံဖြစ်လာခဲ့ပါတယ်။ GDP တိုးတက်မှုနှုန်းဟာ ၅ ရာနှုန်းမှ ၉.၅ ရာခိုင်နှုန်းကြားကိုရောက်ရှိလာခဲ့တယ်။

၂၀၁၀ မှာTmes မဂ္ဂဇင်းကနေ သူမကို ကမ္ဘာ့အကောင်းဆုံးအမျိုးသမီးခေါင်းဆောင်လို့ သတ်မှတ်ပေးခဲ့တယ်။ သူမနဲ့အင်တာဗျူးမှာ မှတ်သားစရာကောင်းတဲ့စကားလေးကတော့ …..

“ကျမ လိုက်ဘေးရီးယားနိုင်ငံတိုးတက်ဘို့အတွက် ပေးလာတဲ့အခွင့်ရေးတွေကို မလွတ်တန်းအသုံးချခဲ့တယ်။ ဒီအတောအတွင်းတွေမှာ အန္တရာယ်တွေလည်း ရင်ဆိုင်တိုးခဲ့ရတယ်။ မတတ်နိုင်ဘူး။ ဒီလမ်းတွေမှ မရွေးချယ်ရင် တခြားလမ်းကကြမ်းတယ်ဆိုပါတော့။ ကျမ ချား တေလာနဲ့ မဲယှဉ်ပြိုင်ရွေးဘို့ဆုံးဖြတ်တုန်းက ကျမကို တားတဲ့သူတွေရှိခဲ့တယ်။ အန္တရာယ်များတယ်၊ မယုံကြည်ရဘူး စသဖြင့်ပေါ့လေ။ တကယ်လည်းဖြစ်ခဲ့ပါတယ်။ ကျမ တခါ ပြည်ပကို ထွက်ပြေးတိမ်းရှောင်ခဲ့ရပြန်တယ်။ ဒါပေမဲ့စဉ်းစားကြည့်မိတယ်။ ဒီလိုလမ်းကိုမှမရွေး ချယ်ရင် ကျန်တဲ့လမ်းတွေက တိုင်းပြည်အထိနာမယ်။ မသေချာမှု များတယ်။ ဒါ့ကြောင့် ကျမသမ္မတအဖြစ် ၀င်ရောက်အရွေးချယ်ခံ ဘို့မှာလည်း ပြတ်ပြတ်သားသား ဆုံးဖြတ်ချက်ချပြီး အရွေးခံခဲ့တယ်”

သူမရဲ့သမ္မတ သက်တမ်းကာလအတွင်းမှာ သူမအကျေနပ်ဆုံးလုပ်ရပ်ကတော့ အမျိုးသားပြန်လည်သင့်မြတ်ရေးကို အကောင်းဆုံးလုပ် ဆောင်ပေးခြင်းဖြင့် ပြည်တွင်းစစ်နဲ့ အာဏာရှင်စနစ်ဆိုးကို အဆုံးသတ်စေခဲ့တာပဲလို့ ဆိုပါတယ်။

လိုက်ဘေးရီးယားနိုင်ငံ အမျိုးသမီးသမ္မတ အယ်လင်ဂျွန်ဆင်ဆာလိကို ၂၀၁၁ ခုနှစ်မှာတော့ နိုဘယ်ငြိမ်းချမ်းရေးဆုရှင်အဖြစ် ရွေးချယ်ခြင်း ခံရပါတယ်။ သူမဟာ ယခုဆိုရင် သားသမီးလေးယောက်မိခင် မြေး ၁၁ ယောက်ရဲ့အဖွားဘ၀နဲ့ တိုင်းပြည်တာဝန်များကိုထမ်းဆောင်ရင်း ဂုဏ်ယူဝမ်းမြောက်လျှက်ရှိပါတယ်။ လိုက်ဘေးရီးယားနိုင်ငံ မြို့တော်မွန်ရိုးဗီးယားမြို့ကိုအခုချိန်မှာသွားကြည့်မယ်ဆိုရင်တော့ လျှပ်စစ်မီး တွေ တထိန်ထိန်၊ ကားတွေတ၀ီဝီ၊ တိုက်တာအဆောက်ဦ အကောင်းစားတွေနဲ့ အလုပ်လက်မဲ့ ၈၆ ရာခိုင်နှုန်းရှိခဲ့တဲ့တိုင်းပြည်ဟာ အခု တော့ အလုပ်အကိုင် ကိုယ်စီနဲ့ …။

အတိတ်ကသမိုင်းတွေဟာလိုက်ဘေးရီးယားနိုင်ငံရဲ့စက်ရုံတွေပေါ်ကထွက်လာတဲ့ မီးခိုးလှိုင်းများနဲ့လွင့်မျှောရင်း နိုဘယ်လ်ငြိမ်းချမ်းရေး ဆုရှင် သမ္မတ အယ်လင်ဂျွန်ဆင်ဆာလိရဲ့စကားလုံးတွေက ပဲ့တင်သံထပ်လျက်။ အာဃာတတရားနဲ့ လက်တုန့်ပြန်ခြင်းဟာ စိတ်အာသာ ပြေပျောက်ဘို့ကလွဲလို့ တိုင်းပြည်တိုးတက်ရေးကို အကျိုးမဖြစ်ထွန်းဘူးတဲ့ ..။

အားလုံးကိုလေးစားစွာဖြင့်(မိုးမခ)မှကူယူထားပါသည်