ဧရာဝတီ မဲခေါင် နိပါး ပေါ်က လွင့်မျောနေသော တိမ်တိုက်များ (၁)

ဥရောပ မဲဇာ

ဧရာဝတီ မဲခေါင် နိပါး ပေါ်က လွင့်မျောနေသော တိမ်တိုက်များ (၁)

ဘီးတပ်လက်ဆွဲသေတ္တာကြီးကို စေ့ဆွဲ၍ ပိတ်လိုက်သည်။ ကြမ်းပြင်ပေါ်တွင်မူ ထည့်သို ယူဆောင်စရာပစ္စည်း မယ်မယ် ရရ မကျန်ရှိတော့ပါ။

လက်ဆွဲသေတ္တာငယ် (ဘန်ကောက် NCGUB ရုံးတွင် မိမိနှင့်အတူ ခေတ္တ လာရောက်နေထိုင်သွားကြသည့် NLD-LA ရဲ ဘော်လေးများရဲ့ အခေါ်အဝေါ်အရ ချေးပုံး) ထဲတွင်မူ ကျော်စိုးမိုး (ယခု အော်စတေးလျ)က စွန့်ကြဲထားသည့် စပို့ရှပ် တပါတ်နွမ်းတထည်၊ ဘောင်းဘီရှည် တထည်၊ တရုပ် ငှက်ဖျားပျောက်ဆေး အာတီစနိတ်ကဒ် ၃ ကဒ်၊ လျက်ဆား တပု လင်း၊ နှာရှူဘူး၊ နိုင်ဝင်းဆွေ ရဲ့ `နွေတည´ ဝတ္ထုစာအုပ်နှင့် ဂျပန် ဟိုက္ကုကဗျာစာအုပ်ကို ထည့်လိုက်သည်။ အပေါ်ဆုံး နေရာလွတ်တွင်မူ ဘန်ကောက် ABSDF နိုင်ငံခြားရေးရုံးက အော်စလိုတွင် ရှိနေသည့် ဒီမိုကရက်တစ်မြန်မာ့အသံ လက် ထောက်ညွှန်ကြားရေးမှူး ဒေါ်ခင်ပြုံးအတွက် လူကြုံပါးလိုက်သော ဂျင်းဘောင်းဘီ အကောင်းစား အသစ်တထည်ကို ဖြည့်လိုက်သောအခါ သေတ္တာကလေးမှာ နေရာလပ်မရှိ ပြည့်သွားတော့၏။

ထိုင်းမှအထွက် လာအိုနယ်စပ်တွင် သက်ဆိုင်ရာ လူဝင်မှုကြီးကြပ်ရေးဂိတ်တွင် လက်ဆွဲသေတ္တာငယ်ကလေးကို ဖွင့်ပြရ သည့်အခါ အပေါ်ဆုံးက တင်ထားသည့် ယင်း ဂျင်းဘောင်းဘီ အသစ်တထည်မှာ လူရိုသေရှင်ရိုသေဖြစ်ဖွယ် ပစ္စည်းတ ခုအဖြစ် ခန့်ထည်နေတော့မည်ကိုတွေးကာ မိမိဖါသာ မိမိ ပြုံးလိုက်မိသေးသည်။

ဒီကြားထဲ လက်ဆွဲသေတ္တာငယ်၏ လျှို့ဝှက် အဖွင့်အပိတ်နံပါတ်များကို အလွတ်ကျက်မှတ်ရခြင်းနှင့် လက်တွေ့လေ့ကျင့် ရသည်မှာလည်း တဒုက္ခ။ (ယင်း လက်ဆွဲသေတ္တာငယ်သည်ကား ထိုစဉ်က ပြန်ကြားရေးဝန်ကြီး ဦးမောင်မောင်အေးက မနေ့တနေ့ကမှ ပေးကမ်းစွန့်ကြဲထားသော သေတ္တာငယ်ပင် ဖြစ်သည်။ )

ဘီးတပ်လက်ဆွဲအိတ်ကြီးကို ကျနော် အလေးအနက်ထားသည်။ တော်လှန်ရေးဌာနချုပ် မာနယ်ပလောကို ရောက်စက တည်းက အမြဲတမ်းလိုလို ရေးမှတ်ထားခဲ့သည့် မှတ်စုစာအုပ်များ၊ စုဆောင်းးထားခဲ့သည့် စာရွက်စာတမ်းများ၊ ကဗျာစာ အုပ်များမှာ ကျနော့်အတွက် အသက်တမျှ အရေးကြီးသည်။ ထို့ကြောင့် လာအို လေဆိပ် လက်ဆွဲသေတ္တာကြီးများ ချိန် တွယ် စစ်ဆေးသည့်နေရာမှစတင်ကာ ကျနော်နှင့် ကျနော့် လက်ဆွဲသေတ္တာကြီး တနေရာစီခွဲပြီး ခရီးအဆင့်ဆင့် ကူး ပြောင်းသွားရတော့မည်ကို သိထားသဖြင့် စိတ်တထင့်ထင့် ရှိနေခဲ့ရ၏။ စိတ်မချနိုင် ဖြစ်နေခဲ့သည်။ ကျနော် ကိုင်ဆောင် ထားသည့် ပတ်စ်ပို့အနေအထားနှင့် ဒွန်မောင်းလေဆိပ် လတ်တလော အနေအထားများအရ ကျနော်၏ ဥရောပခရီးကို ဒွန်မောင်းလေဆိပ်မှ မစတင်ဘဲ လာအိုမှတဆင့် ဒွန်မောင်းသို့ပြန်ဝင်ပြီးမှ ဥရောပကို ခရီးထွက်ရမည် ဖြစ်လာသောအခါ ကျနော့်မှာ လက်ဆွဲအိပ်ကြီးအပေါ် ပိုပြီးစိတ်မချနိုင် ဖြစ်နေခဲ့သည်။ သို့သော် လေယာဉ်လက်မှတ်များ ဝယ်ပြီးခဲ့ပြီမို့ ဆရာ ဗန်းမော်တင်အောင် ပြောသလို ပြောရလျင် ကျနော်ကကော ဘာများတတ်နိုင်ပါဦးမည်နည်း ဟူ၍သာ ဆိုရချေတော့ မည်။

ယခုတော့ ဒွန်မောင်းလေဆိပ် လေယာဉ်လွှဲပြောင်းစီးသူများ နားနေဆောင်ထဲ ကျနော် ချဉ်းနင်းဝင်ရောက်လာခဲ့ပြီ။  လက်ဆွဲသေတ္တာကြီးကမူ ဘယ်ဆီရောက်လို့ ဘယ်ခရီးအထိ ပေါက်နေပြီမသိ။

ည (၁၁) နာရီခွဲပြီ။ လေဆိပ်ဝန်ထမ်း ၂၀ ခန့်ကို ဝိုင်းပတ်ထားသည့် ခုံတန်းအဝိုင်းကြီးဆီ လျှောက်လာလိုက်သည်။ လွန်ခဲ့သည့် ၂ နာရီလောက်က မိမိနှင့် စကားအနည်းငယ် ပြောဆိုမေးမြန်းထားခဲ့သည့် လေဆိပ်ဝန်ထမ်း မိန်းကလေး၏ ရှေ့တွင် ကျနော် သွားရပ်လိုက်သည်။ လေယာဉ်လက်မှတ်ကို ပြလိုက်သည်။ ဝန်ထမ်းမိန်းကလေးက ကျနော့်မျက်နှာကို အကဲခတ်သလို တချက်ကြည့်သည်။ မလှမ်းမကမ်းတွင် စကားပြောစက်ကိုင်ကာ ရပ်နေသော သူ့ထက် တာဝန်ပိုရှိသူဟု ယူဆရသည့် ပုဂ္ဂိုလ်ထံ လျှောက်သွားသည်။ သူတို့နှစ်ဦး ကျနော့် လေယာဉ်လက်မှတ်များကိုကိုင်ကာ စကားပြောကြ သည်။ ချက်ချင်းဆိုသလို တခြားဝန်ထမ်း သုံးလေးဦးက သူတို့ဘေးတွင် လာရပ်ကာ စကားပြောကြသည်။ ကျနော့်ဘက် ကို အကဲခတ်ကြသည်။ အခြေအနေက ကျနော့် နှလုံးခုန်နှုန်းကို မောင်းတင်လိုက်သလို ဖြစ်လာခဲ့၏။

ဝန်ထမ်းမိန်းကလေးနှင့် စကားပြောစက်ကိုင်ထားသူအမျိုးသားက ကျနော့်ထံ လျှောက်လာနေကြသည်။ တခုခုတော့ မှား နေပြီဟု ကျနော် ယူဆသည်။ ဘာဆက်လုပ်ရမည်ကို ကျနော် စဉ်းစားလို့မရ။ ထို့ကြောင့် ဟန်ကိုယ့်ဖို့သဘော ခန္ဓာကိုယ် ကို ခတ်မတ်မတ်ထားပြီး ရပ်စောင့်နေရသည်။ အနားကို ရောက်လာကာမှ ဘာပြဿနာများ ရှိလို့လည်းဟု မေးလိုက်မိ သည်။

ဝန်ထမ်းမိန်းကလေးက ကျနော့် ပတ်စ်ပို့စာအုပ်ကို တောင်းကြည့်ပြန်သည်။ ကျနော်က အသာတကြည်ပင် သူ့လက်ထဲ ပတ်စ်ပို့စ်စာအုပ် ကမ်းပေးလိုက်သည်။ အမှန်စင်စစ် သူတို့က ကျနော့် ပတ်စ်ပို့စ်စာအုပ်ကို တောင်းကြည့်ပိုင်ခွင့်မရှိ ဆို သည်ကို ကျနော်သိသည်။ သူတို့က လေကြောင်းလိုင်းက ဝန်ထမ်းများသာ ဖြစ်သည်။ လူဝင်မှုကြီးကြပ်ရေးက မဟုတ်။ သို့သော် ကျနော်က အသာတကြည်ပင် ပေးလိုက်သည်။

သူ့ဘေးက ရပ်နေသော စကားပြောစက်ကိုင်ထားသူက ကျနော့်ပတ်စ်ပို့စ် စာအုပ်ကိုကိုင်ကာ တနေရာကို ဖုံးဆက်နေ သည်။ ပြီးတော့ သူတို့နှစ်ဦး ထိုင်းလို အပြန်အလှန် ပြောနေကြပြန်သည်။ ထိုင်းစကား တလုံးမျှမတတ်သဖြင့် သူတို့ ဘာ တွေပြောနေကြသည်ကို ကျနော် မသိ။

ဝန်ထမ်းမိန်းကလေးက ကျနော့်ကို ဒွန်မောင်းကထွက်ရင် ရရဲ့သားနဲ့ ဘာပြုလို့ လာအိုကတဆင့် ဒွန်မောင်းကို ပြန်ဝင်ပြီးမှ ဥရောပကို ခရီးထွက်ရတာလဲဟု တည့်တိုးပင် မေးလာခဲ့၏။ သည်လိုဖြစ်လာနိုင်သည်ကို အရင်ကတည်းက တွက်ထားပြီး ဖြစ်သဖြင့် ကျနော်က ကြိုတင်လေ့ကျင့် ကျက်မှတ်ပြင်ဆင်ထားပြီးဖြစ်သော စကားလုံးများကို ရွတ်ဆိုပြလိုက်သည်။ လာ အိုတွင် သူငယ်ချင်းတယောက် ရှိနေကြောင်း၊ သူ့ထံမှ ယူစရာရှိတာယူကာ သူနှင့် တရက် နှစ်ရက် အတူနေချင်ကြောင်း၊ ပြီးတော့မှ ဒွန်မောင်းကို ပြန်ဝင်ကာ ဥရောပကို ခရီးထွက်ဖို့ ဆုံးဖြတ်ခဲ့ကြောင်း အကျအပေါက်မရှိ ပြောချလိုက်သည်။ သူတို့နှစ်ယောက်စလုံး ကျနော့်စကားများကို ရာနှုန်းပြည့် ယုံကြည်ကြပုံတော့ မရပါ။ သို့သော် ဘယ်လိုက ဘယ်လို ဖြစ် သွားသည်မသိ။ တာဝန်ပိုရှိသူဟု ယူဆရသူ စကားပြောစက်ကိုင်ထားသည့် အမျိုးသားက ကျနော့်ကို(Boarding Pass) ထုတ်ပေးဖို့ ပြောလာပါတော့သည်။ ချက်ချင်းဆိုသလို ဝန်ထမ်းမိန်းကလေးက ပျာပျာသလဲဖြစ်သွားကာ ကျနော့်ကို (Boarding Pass) ထုတ်ပေးပါတော့သည်။ တဆက်တည်းဆိုသလို ပတ်စ်ပို့စ် စာအုပ်ပြန်ပေးရင်းက မမျှော်လင့်ဘဲ ကြန့် ကြာသွားရတာကို ခွင့်လွှတ်ဖို့ တောင်းပန်နေပြန်တော့သည်။

ဝန်ထမ်းမိန်းကလေးက ဂိတ်နံပါတ် ၃၂ ကိုသွားဖို့ ကျနော့်ကို ပြော၏။ ကျနော်က မသဲကွဲသဖြင့် ပြန်ပြောဖို့တောင်းပန် တော့ သူက စာရွက်အလွတ်တရွက်ပေါ်တွင် ကျနော် သွားရမည့် ဂိတ်နံပါတ် ၃၂ ကို ဆွဲပြရင်း စိတ်ရှည်လက်ရှည် ရှင်းပြ ၏။ ကျနော်က သူ့ကို စကားဖြေးဖြေးပြောဖို့ တောင်းပန်ရပြန်သည်။ သူက ကျနော့်ကို ကြည့်ကာ သနားသွားဟန်တူပါ သည်။ အသေအချာ စူးစိုက်နားထောင်နေသော ကျနော့်ကို ကြည့်သည်။ ပြီးတော့ ကျနော့် အခြေအနေမှန်ကို တစုံတရာ တွေးမိကောင်း တွေးမိသွားဟန် တူပါသည်။ သူ့ကို ကြောပေးထွက်ခွာသွားတော့မည့် ကျနော့်ကို စကားတခွန်း ပြောဖြစ် အောင် ပြောလိုက်သေး၏။ ဂိတ်နံပါတ် ၃၂ ရဲ့ မျက်စေါင်းထိုးမှာ လူဝင်မှု ကြီးကြပ်ရေးအပေါက် ရှိတယ်၊ အဲဒီအပေါက်ကို လှည့်မကြည့်ဘဲ ဂိတ်နံပါတ် ၃၂ ကိုပဲ တည့်တည့်သွားနော်…ဟု လှမ်းပြောလိုက်သေး၏။

လမ်းလျှောက်လာနေရင်းက ရင်တုန်ပန်းတုန် အဖြစ်ကို စဉ်းစားလာနေမိသည်။ အစ ပထမ သူတို့ ကျနော့်ကို မသင်္ကာ ဖြစ်ကြသည်မှာ သေချာသည်။ ကျနော့် ပတ်စ်ပို့စ်က ခတ်ရွဲရွဲ..။ ပြီးတော့ ကျနော်က အင်္ဂလိပ်စကားကို သေသေချာချာ ရေရေလည်လည် မပြောတတ်။ သူတို့ပြောသည့် အင်္ဂလိပ် အသံထွက်ကိုလည်း ကျနော် နားမယဉ်။ ထို့ကြောင့် အခြေ အနေမှာ ပိုဆိုးသွားဟန် ရှိခဲ့သည်။

သို့သော် ကျနော့် ပုံက တကယ့် တောကြိုအုံကြားက ဝတ်ကောင်းစားလှ မထော်မနှမ်း ထိုးထိုးထောင်ထောင် ဝတ်လာ သည့် တောသူကြီးသား ပုံမျိုး။ မအူမလည် အ တိ အ တ ပုံမျိုး။ ဒီကြားထဲ သူတို့ကို အကြောက်လွန်ကာ မျက်စေ့သူငယ် နားသူငယ် အနေအထား။

သည်လို အသွင်အပြင်ကပင် ကျနော့်ကို ကယ်တင်လိုက်သည်လား မပြောတတ်ပါ။ သူတို့က ကျနော့်လို မအူမလည် လူ တယောက်နှင့် စကားကြာရှည် မပြောချင်ကြတာလည်း ဖြစ်ကောင်း ဖြစ်နိုင်ပါသည်။ ထို့ကြောင့် ဥရောပရောက်ကာမှ ဖြစ်ချင်ရာဖြစ်ဆိုပြီး ကျနော့်ကို မနှောက်ယှက်ကြတော့ဘဲ သည်အတိုင်း လွှတ်ပေးလိုက်ဖို့ ဆုံးဖြတ်လိုက်ကြဟန် တူပါ သည်။

ငြိမ်းဝေ

ဆက်လက် ဖေါ်ပြပါမည်….။ (နေသစ်)ကူယူတင်ထားပါသည်