ကြံ့ဖွတ်အစိုးရတက်တာ တနှစ်ပြည့်တဲ့အကြောင်းနဲ့ပတ်သက်ပြီး အင်တာဗျူးတွေလုပ်၊ ဆွေးနွေးမှုတွေလုပ်နေကြတယ်။ တချို့မီဒီ ယာကဆိုရင် ကောင်းလာတယ်လို့ပြောလာအောင် စကားဦးသန်း ပြီး ရေလာမြောင်းလုပ်ပေးကြတယ်။ ပြောကြတာကတော့ အမျိုး မျိုးပဲ။ ဒါပေမဲ့ ဒီအထဲမှာ သာမန်ဆင်းရဲသားပြည်သူတွေ မပါဘူး။ သူတို့အဖို့က ဘာမှမထူးဘူး။ ဒါ ကြောင့် ဒီအပြောင်းအလဲကိုလည်း စိတ်မ၀င်စားဘူး။ (ပြည်သူလူထုရဲ့စားဝတ်နေရေးမှာ မထူးခြားပါ ဘူး ဆိုတာကို သမတရဲ့ အကြံပေးပုဂ္ဂိုလ်ဆိုသူကတောင် ၀န်ခံ တာကြားလိုက်ရတယ်)။နိုင်ငံရေးအကျဉ်းသား ၁၀ ပုံ ၁ ပုံ လောက်လွှတ်တာကို ထောက်ပြ သူက ထောက်ပြခဲ့တယ်။ ဗိုလ်နေ၀င်းလက်ထက်မှာ ထောင်ခါသ လိုအားလုံးကို လွှတ်ခဲ့တာနှစ်ခါထက် မနည်းဘူး။ တခါက ၁၉၆၃ ခုနှစ်မှာ ဟန်ပြငြိမ်းချမ်းရေးခေါ်တုန်းက၊ နောက်တခါက ၁၉၇၄ မဆလအစိုးရ ဖွဲ့စည်းပုံဥပဒေကျေညာကာနီးမှာ။ အဲဒီတုန်းက ဦးနေ၀င်းကြီး စိတ်ကောင်းဝင်လာပြီလို့ ဘယ်သူကမှ မပြောခဲ့ပါ ဘူး။ နောက်တော့လည်း ဖမ်းချင်တိုင်းဖမ်းနေခဲ့တာပဲမဟုတ်လား။
မီဒီယာတွေထဲမှာ အရင်ကဖော်ပြခွင့်မရတာတွေ ဖော်ပြခွင့်ပေးလာတယ်လို့လည်းပြောကြတယ်။ မဆလခေတ်က ခွင့်ပြု တဲ့ရေချိန်ကို မီပြီလား။ ဝေးပါသေးတယ်။ ဒါပေမဲ့ မဆလခေတ်ကိုတော့ စစ်အစိုးရခေတ်၊ အခုခေတ်ကိုတော့ ဒီမို ကရေစီ ရောင်ခြည်သန်းလာတဲ့ခေတ်လို့ မွှန်းချင်နေကြတယ်။
အစိုးရတရပ်ကို စစ်အစိုးရလို့ဘာကြောင့်ခေါ်တာလဲ။
အလွယ်လေးပြောရရင် တိုင်းပြည်ရဲ့အာဏာကို စစ်ဗိုလ်တွေက (သဏ္ဌာန်အမျိုးမျိုးနဲ့) ချုပ်ကိုင်ထားလို့ ဖြစ်တယ်။ အထူး သဖြင့် စစ်တပ်အာဏာ၊ အုပ်ချုပ်ရေးအာဏာနဲ့ စီးပွားရေးအာဏာတို့ ဖြစ်တယ်။ အစိုးရတရပ်မှာ နိုင်ငံ့အကြီးအကဲ၊ ကာ ကွယ်ရေးဝန်ကြီး၊ ပြည်ထဲရေးဝန်ကြီးနဲ့ စီးပွားရေးဆိုင်ရာ ၀န်ကြီးတွေကို စစ်ဗိုလ်(ပုဆိုးပဲဝတ်ဝတ်၊ ဘောင်းဘီပဲဝတ်ဝတ်) တွေက ကိုင်ထားတာဟုတ်မဟုတ်စစ်ကြည့်လိုက်ပါ။ အထင်းသား တွေ့ရမယ်။
ဗမာနိုင်ငံသမိုင်းမှာ ၁၉၅၈ ခုနှစ်မှာ ဗိုလ်နေ၀င်းနဲ့ ဆိုရှယ်လစ်စစ်ဗိုလ်တွေက အိမ်စောင့်အစိုးရရယ်လို့ ပထမဆုံးအာ ဏာသိမ်းတော့ ဗိုလ်နေ၀င်းက၀န်ကြီးချုပ်လုပ်တယ်။ ကာကွယ်ရေးဌာနနဲ့ အမျိုးသားစီမံကိန်းဌာနတို့ကို ၀န်ကြီးအဖြစ်နဲ့ ချုပ်ကိုင်ထားတယ်။ ကျန်တဲ့ဝန်ကြီးနေရာတွေကိုတော့ လက်ရှိရှိနေတဲ့ ဗြူရိုကရေစီယန္တရားထဲက အရပ်သားတွေကိုပဲ ခန့်ထားတယ်။ ဒါပေမဲ့ ထောက်လှမ်းရေးကိုတော့ စစ်တပ်ကအသေကိုင်ထားတယ်။ အဲဒီတုန်းကတော့ နိုင်ငံ့အာဏာကို ရေရှည်ဆုပ်ကိုင်ဖို့ မဆုံးဖြတ်နိုင်သေးတာက တကြောင်း၊ သူတို့စစ်ဗိုလ်တွေအတွက် ၀န်ကြီးအလုပ်တွေက စိမ်းနေလို့ တကြောင်းဖြစ်တယ်။ အဲဒီနောက် ၁၉၆၂ အာဏာသိမ်းပွဲမှာကစလို့ ဒီနေ့အထိ အစိုးရအဖွဲ့ရဲ့ အရေးပါတဲ့နေရာမှန်သမျှ ကို စစ်ဗိုလ်နဲ့ဗိုလ် “ထွက်” တွေချည့်ပဲ အပိုင်ချုပ်ကိုင်ထားတယ်။ ဒီချုပ်ကလွှတ်တော်ထဲရောက်လာရင် (အာဏာကိုမထိ ပါးနိုင်တဲ့) ၀န်ကြီးတနေရာ၊ နှစ်နေရာပေးကောင်းပေးပါလိမ့်မယ်။ ဒါဆိုရင် အမေရိကန်ကို မျက်နှာပြလို့ ပိုကောင်းတာ ကိုး။ ဒါပေမဲ့ ကာကွယ်ရေးဝန်ကြီး၊ ပြည်ထဲရေးဝန်ကြီး၊ နယ်စပ်ဒေသ၀န်ကြီးတို့ကတော့ “ကန်တော့ဆွမ်း” ပဲဖြစ်မယ်။
၂၀၀၈ ခုနှစ် ဖွဲ့စည်းပုံအခြေခံဥပဒေအောက်က စစ်ဗိုလ်ချုပ်တွေရဲ့နိုင်ငံရေး၊ စစ်ဗိုလ်ချုပ်တွေရဲ့လွှတ်တော်တွေထဲမှာ ၀င် လုပ်နေသူတွေဟာ “နိုင်ငံတော်၏ အမျိုးသားနိုင်ငံရေးဦးဆောင်မှု အခန်းကဏ္ဍတွင် တပ်မတော်ကပါဝင်ထမ်းဆောင် နိုင် ရေးတို့ကို အစဉ်တစိုက်ဦးတည်သည်” ဆိုတဲ့ ၂၀၀၈ ခုနှစ် ဖွဲ့စည်းပုံအခြေခံဥပဒေ အခန်း (၁) ပါ အခြေခံမူများအတိုင်း အစဉ်တစိုက် ဦးတည်လုပ်ပေးကြရမှာသာဖြစ်တယ်ဆိုတာ မမေ့ဖို့လိုတယ်။
လွတ်လပ်ရေးရပြီးနောက် ဗမာပြည်ရဲ့မြေပေါ်နိုင်ငံရေးမှာ စစ်ဗိုလ်တွေလောက်အာဏာလက်ကိုင်ထားနိုင်တာ၊ နိုင်ငံရေး ပါးဝတာ၊ အာဏာပါးဝတာ မရှိဘူးဆိုတာသတိရကြသင့်တယ်။ သူတို့ဟာ ဘယ်လိုနေရာမှာ ဘယ်လိုကွန်ပစ်၊ ဘယ်လို ငါးစာကိုချရမယ် ဆိုတာကိုသူတို့တတွေ နောကြေနေအောင်သိကြတယ်။ ပြည်တွင်းကိုရော ပြည်ပကိုပါ ဘယ်လိုချူဆီ ထည့်ရမယ်ဆိုတာလည်း သူတို့သိကြတယ်။
အထက်မှာရေးခဲ့တဲ့ ပြည်သူလူထုကတော့ စားဝတ်နေရေးမတိုးတက်လို့ အပြောင်းအလဲဖြစ်လာတယ်လို့ မထင်ကြောင်း သဘောထားတာကို စံထားသင့်တယ်။ ပြည်သူလူထုအတွက် မထူးခြားဘဲ နိုင်ငံရေးလုပ်သူတွေအတွက်ပဲ အကောင်း ဘက် ဦးတည်လာတယ်ဆိုတယ်လို့ ပြောတာဟာ ဟုတ်ပါ့မလား။ ကောင်းစားစရာရှိရင် နိုင်ငံရေးလုပ်သူတွေက အရင်၊ ပြည်သူလူထုက နောက်မှတဲ့လား။
ဗသြ (နေ့သစ်)မှ ကူးယူတင်ထားပါသည်
Rangoon Time
----
-------------------------------
No Response to "ကျားသစ်ရဲ့ကိုယ်ပေါ်က အပြောက်တွေပျောက်နေပြီလား (ဗသြ)"
Send en kommentar