ပြည်တွင်းသတင်း

Apr 19, '11 9:37 AM

ရန်ကုန်အပြည်ပြည်ဆိုင်ရာလေဆိပ်တွင် ခရီးသွားများအပေါ် ပြုမူလျက်ရှိသည့် ပုံစံအချို့ကြောင့် ခရီးသွားပြည်သူ အများစု စိတ်အနှောင့်အယှက် ကြုံတွေ့ရမှုများရှိနေကြောင်း ခရီးသွားများထံမှ စုံစမ်းသိရှိရပါသည်။

နိုင်ငံတကာမှ မြန်မာနိုင်ငံသို့ လေကြောင်းဖြင့် ၀င်ရောက်ရာ အဓိကလေဆိပ်ဖြစ်သော ရန်ကုန်အပြည်ပြည်ဆိုင်ရာလေဆိပ်တွင် ပြည်ပထွက်ခွာ၊ ဆိုက်ရောက်ခရီးသည်များအား ကျင့်သုံးစစ်ဆေးလျက်ရှိသော အချို့သောစနစ်များမှာ ခရီးသည်များကို စိတ်အနှောင့်အယှက် ဖြစ်ပေါ်မှုရှိကြောင်း ဧပြီလဆန်းက မလေးရှားနိုင်ငံ၊ ကွာလာလမ်ပူမြို့ သို့သွားရောက်ခဲ့သည့် ခရီးသွားတစ်ဦးက ပြောပြခဲ့သည်။

''ကျွန်တော် နိုင်ငံပေါင်း တော်တော်များများကို ကြိမ်ဖန်များစွာ သွားလာဖူးပါတယ်။ ဒီတစ်ကြိမ် ကြုံရတာကတော့ တော်တော်ဆိုးပါတယ်။ ကျွန်တော်တန်းစီတဲ့ကောင်တာက စစ်ဆေးတာတစ်ယောက်ကို ငါးမိနစ်ကျော်လောက် ကြာတယ်။ ကျွန်တော့် အလှည့်မှာ ဓာတ်ပုံရိုက်ဖို့ ရပ်ပေးတာကို သုံးခါတိတိသူပြောတဲ့အတိုင်း လိုက်နေပေးရတယ်။ နည်းနည်းစိတ် မရှည်လို့ မပြီးသေးဘူးလားလို့မေးတာကို ခပ်ရိုင်းရိုင်းပြန်ဖြေတယ်။ ဒါ လုံးဝမဖြစ်သင့်ပါဘူး။ နိုင်ငံတစ်နိုင်ငံရဲ့ အရေးပါတဲ့ ၀င်ထွက်ပေါက်မှာ တာဝန်ထမ်းဆောင်တဲ့သူတွေရဲ့ ဆက်ဆံရေးက ဒီထက်ပြေပြစ်ဖို့ လိုတယ်။  အခုလိုမျိုး ခရီးသွားတွေများတဲ့ အချိန်မှာ ဒါကိုယ့်ရဲ့လုပ်ပိုင်ခွင့်ပဲဆိုပြီး တာဝန်အကြောင်းပြ ရင့်သီးတာတော့ မကောင်းပါဘူး။ နိုင်ငံရဲ့ ဂုဏ်သိက္ခာနဲ့ပါ ဆိုင်ပါတယ်။ နောက် နိုင်ငံတကာလေဆိပ်အသီးသီးကလိုပဲ မလိုအပ်တဲ့ အဆင့်တွေ၊ ကြိုးနီစနစ်ဆန်ဆန်တွေ မရှိသင့်တော့ဘူးလို့ ထင်ပါတယ်။ ကျွန်တော်တို့ နိုင်ငံမှာ ပြောင်းလဲမှုတွေကို အဆင့်ဆင့် စတင်နေပါပြီ။ နိုင်ငံတကာနဲ့ ဒီထက်ပို ဆက်ဆံရဦးမှာပါ''ဟု Business Class လက်မှတ်ဖြင့် ပြည်ပထွက်ခွာခဲ့သူ စီးပွားရေးလုပ်ငန်းရှင်တစ်ဦးက ၄င်း၏ ကိုယ်တွေ့အဖြစ်အပျက်ကိုပြန်လည် ပြောပြခဲ့သည်။

ပြည်ပသို့ထွက်ခွာမည့် ခရီးသွားများအနေဖြင့် လေဆိပ်အတွင်းမ၀င်ရောက်မှီ Airport Tax အားစတင်ပေးဆောင်စေပြီး အဆိုပါ လေဆိပ်အခွန်ပေးဆောင်နိုင်ရန် တန်းစီစောင့်ဆိုင်းရသည့် ဖြစ်ရပ်များရှိကြောင်း သိရသည်။ ထို့အပြင် လေဆိပ်အတွင်းသို့ရောက်ရှိပြီး မိမိစီးနင်းမည့် လေကြောင်းလိုင်းတွင် Check-in လုပ်ဆောင်ရာတွင်လည်း လေကြောင်းလိုင်းအလိုက် သတ်မှတ်ထားသည့် ကောင်တာအရေအတွက် နည်းပါးမှုကြောင့် Check-in လုပ်ဆောင်ရာတွင် အခက်အခဲအချို့ တွေ့ကြုံရကြောင်း သိရသည်။

''နိုင်ငံတကာမှာ လေဆိပ်အခွန်ဆောင်ဖို့ လေဆိပ်မှာ တန်းစီစောင့်နေရတယ်ဆိုတာ မရှိပါဘူး။ ပြီးတော့ Business Class လိုလက်မှတ်မျိုးက Check-in လုပ်ဖို့အကြာ ကြီးစောင့်နေရတယ်ဆိုတာ မဖြစ်သင့်ဘူး။ ဒီမှာပျံတဲ့လေယာဉ်တွေမှာ Business Class က ၁၀ရာခိုင်နှုန်းလောက်ပဲ ပါတာလေ။ ပိုက်ဆံကတော့ပိုပေးရပြီး ၀န်ဆောင်မှုက ပိုရသင့်တာပေါ့။ Check-in လုပ်ရတဲ့ ကောင်တာကလည်း လေကြောင်းလိုင်းတစ်ခုစီမှာ သုံးခုကနေအများဆုံးလေးခုပဲရှိတော့ ခရီးသည် ပြုံကျလာရင် စိတ်ရှည်ရှည်ထားပြီးတန်း စီနေရတော့တာပဲ'' ဟု ပြည်ပသို့ မကြာခဏခရီးထွက်လေ့ရှိသူ တစ်ဦးက ဆိုသည်။သက်ဆိုင်ရာလေကြောင်းလိုင်းတွင် Check-in လုပ်ဆောင်ပြီးပါက လူဝင်မှုကြီးကြပ်ရေး( Immigration)တွင် Scan ဖတ်ခြင်း၊ စာရွက်စာတမ်းများအား စစ်ဆေးခြင်းတို့ကို ပြုလုပ်ရကြောင်း သိရသည်။

''စင်ကာပူနိုင်ငံမှာ ကိုယ့်နိုင်ငံသားတောင် မကဘူး၊ နိုင်ငံခြားသားဖြစ်ဦးတော့ S-Pass၊ Work Permit ရထားရင် ဘာကတ်မှ ဖြည့်စရာမလိုဘူး၊ Scan ဖတ်လိုက်တာနဲ့ Data ရပြီးသား၊ Foreigner Only ပဲဖြည့်ရတယ်။ ဒီမှာကတော့  နိုင်ငံခြားသားက Embarkation ကတ်လို့ခေါ်တဲ့ ကိုယ်သွားမယ့်ခရီးစဉ်၊ ကိုယ့်အကြောင်းတွေကို ဖြည့်ရသလို နိုင်ငံသားလည်း အတူတူ ဖြည့်ရတာပဲ။ ပြီးရင်ဒီကတ်ကို Immegration မှာပြရတယ်။ ဒီမှာ Scan ဖတ်တယ်ဆိုတာက သူများနိုင်ငံတွေလို မျက်စိကိုဖတ်တာ မဟုတ်ဘူး။ ဓာတ်ပုံရိုက်တာဖြစ်တော့ တခါတလေ ကင်မရာတည့်တည့် မရောက်ရင် ခရီးသည်က ဟိုနေရာရွှေ့၊ ဒီနေရာရွှေ့ပေးရတာတို့ လုပ်ပေးရတယ်''ဟုနိုင်ငံတကာ လေကြောင်းလိုင်းတစ်ခုမှ တာဝန်ရှိသူတစ်ဦးက ရှင်းပြသည်။

ခရီးသွားကုမ္ပဏီတစ်ခုမှ တာဝန်ရှိသူတစ်ဦးကလည်း'' ဒီနိုင်ငံကနေ ထွက်ခွာမယ့်သူတိုင်း လုပ်နေရတဲ့ D-form ဆိုတာ နိုင်ငံတကာမှာ မရှိတော့ပါဘူး။ မြန်မာနိုင်ငံ လွတ်လပ်ရေးရပြီးကာစမှာ သန်းခေါင်စာရင်းမကောက်သေးတော့ ကိုယ့်နိုင်ငံကနေ ဘယ်လောက်ထွက်ပြီး ဘယ်လောက်ဝင်သလဲ သိရအောင် D-form (ထွက်ခွာခွင့်ပုံစံ) ကို အဲဒီကတည်းက ကောက်ခဲ့တာ။ အဲဒီစနစ်ကြီးက အခုထက်ထိ ကျန်နေသေးတာ'' ဟု ပြောပြခဲ့သည်။

ပြည်ပသို့ သွားရောက်လိုသူများသည် လူဝင်မှုကြီးကြပ်ရေး ကောင်တာတွင် ထိုသို့အဆင့်ဆင့် စစ်ဆေးခံကာ တခါတရံ စာရွက်စာတမ်းများ လိုအပ်မှုကြောင့် လိုအပ်သည့် စာရွက်စာတမ်းနှင့် အတူပြန်လည် အစစ်ဆေးခံရန် တဖန်စောင့်ဆိုင်းတန်းစီရခြင်းများ ရှိကြောင်းလည်း သိရသည်။ စစ်ဆေးသည့် ကောင်တာမှာလည်း နိုင်ငံသားအတွက် လေးခု၊ နိုင်ငံခြားသားအတွက်လေးခု၊ ပေါင်းရှစ်ခုသာရှိပြီး လေယာဉ်များထွက်ခွာချိန်တူညီနေပါက စစ်ဆေးနိုင်သည့် ကောင်တာနှင့် ခရီးသည်ဦးရေ မမျတမှုများ ကြုံတွေ့နေရကြောင်း သိရသည်။

'' Immigration  မှာ ခရီးသည်ကို စစ်တဲ့အချိန်က တစ်ဦးကို နှစ်မိနစ်လောက် ကြာတယ်ထား၊ ကောင်တာတစ်ခုမှာ တစ်နာရီကို အယောက် ၃၀ လောက်ပဲ စစ်နိုင်တယ်။ မနက်ပိုင်းဆို လေယာဉ်တွေက ငါးစင်း၊ ခြောက်စင်းလောက် တပြိုင်နက်တည်း လိုလိုထွက်နေတာ၊ တစ်စင်းမှာ ခရီးသည် ပျမ်းမျ ၁၅၀ လောက်ရှိတယ်။ ဒီတော့ အဆင်မပြေဘူး။ နောက်ပိုင်း ခရီးသွားတွေများပြီး လေယာဉ်တွေ ပိုတိုးဆွဲရင် ဒီထက်ပိုဆိုးနိုင်တယ်''ဟု ခရီးသွားရေးရာ ကျွမ်းကျင်သူတစ်ဦးက ထောက်ပြခဲ့သည်။

''သူများနိုင်ငံတွေမှာလည်း ခရီးသည်များရင် မိနစ်၅၀၊ တစ်နာရီနီးပါးလောက်တော့ အချိန်ပေးရတာပါပဲ။ ဒီမှာက Immigration ကောင်တာနည်းတာရယ်၊   ကိုယ့် နိုင်ငံသားကို တစိမ်းလိုပဲ စစ်ဆေးနေတာ၊ နိုင်ငံခြားသားကို စစ်သလိုပဲ စစ်တာ။ ဒီကလူတွေက ပြည်ပကိုသွားရင်လည်း နိုင်ငံခြားသားလို အစစ်ခံရတယ်။ ကိုယ့်နိုင်ငံမှာလည်း ဦးစားပေး အဆင့်ထဲမှာ မပါဘူး။ စာရွက်စာတမ်းကိစ္စတွေကလည်း များမှများ၊ ကြိုးနီစနစ်တွေကို ဖြေလျော့ပေးသင့်ပါပြီ'' ဟု စီးပွားရေးလုပ်ငန်းရှင်တစ်ဦးက သုံးသပ်ပြောကြားခဲ့သည်။

ပြည်ပမှ ရောက်ရှိလာသည့် သူများအနေဖြင့်လည်း Immigration ကောင်တာတွင် အချိန်ပေး စစ်ဆေးခံရခြင်းများ၊ မိမိ၏ အထုတ်အပိုး ပစ္စည်းများ ရွေးယူရာ၌ အချိန်ကြာမြင့်မှုများစသည့် စိတ်အနှောင့်အယှက် ဖြစ်စရာများကို ကြုံတွေ့ရမှုများရှိကြောင်း သိရသည်။

၂၀၀၇ခုနှစ်၊ စက်တင်ဘာလမှစကာ လျော့ကျခဲ့သည့် မြန်မာနိုင်ငံ၏ ခရီးသွားဏ္ဍမှာ ၂၀၁၀ခုနှစ် ပွင့်လင်းရာသီကာလတွင်မူ ခရီးသွားလာမှု မြင့်တက်ခဲ့ပြီး ၂၀၁၁ ခုနှစ် အတွင်းတွင်လည်း ခရီးသွားလာရောက်မှုမှာ ယမန်နှစ်များကထက် ပိုမိုမြင့်တက်နိုင်ပြီး ခရီးသွားကဏ္ဍ ဖွံ့ဖြိုးလာနိုင်သည့် အခြေအနေတွင်ရှိကြောင်း ခရီးသွားရေးရာ ကျွမ်းကျင်သူများက သုံးသပ်ပြောကြားခဲ့သည်။

ထိုသို့ ခရီးသွားလာမှု မြင့်တက်လာမှုနှင့်အတူ နိုင်ငံတစ်နိုင်ငံ၏ အဓိက ပြယုဂ်တစ်ခုဖြစ်သော လေဆိပ်တစ်ခု၏ အခန်းကဏ္ဍမှာ အရေးကြီးလှကြောင်း၊ ခရီးသွားအား ၀န်ဆောင်မှုများ ပိုမိုပေးနိုင်ရန် လိုအပ်ကြောင်းကို ''ဒီနှစ်မှာ ခရီးသွားတွေ အများကြီးဝင်လာတယ်။ ဒီက သွားတဲ့သူတွေလည်း အရမ်းများတယ်။ ဒီလို တိုးတက်လာတာနဲ့ အတူတူ လေဆိပ်နဲ့ လေကြောင်းလိုင်းတွေက ခရီးသွားတွေကို အချိန်ကုန်သက်သာပြီး ကောင်းမွန်တဲ့ ၀န်ဆောင်မှုစနစ်ကို ပေးနိုင်ရပါမယ်။ လေကြောင်းလိုင်းတွေ ဘက်ကလည်း ပြေပြစ်တဲ့ဆက်ဆံရေး၊ ၀န်ဆောင်မှုကောင်းတွေ ဒီထက်ပိုပေးနိုင်ရမယ်။''ဟု ၀ါရင့်လေယာဉ်မှူးကြီးတစ်ဦးက သုံးသပ်ပြောကြားခဲ့သည်။

Prev: စာမျက်နှာတစ်ဆယ့်ငါး