new footage from Japan / shocking 16 march 2011

ဂျပန်ကပ်ဘေး

ဂျပန်ကပ်ဘေး

ဇာဂနာလွတ်မြောက်ရေး နိုင်ငံတကာလူရွှင်တော်တွေ တောင်းဆို

အကျဉ်းကျနေတဲ့ လူရွှင်တော် ဇာဂနာ လွတ်မြောက်ရေးအတွက် နိုင်ငံတကာက လူရွှင်တော်တွေ တောင်းဆိုလှုပ်ရှားနေကြရာမှာ နယူးဇီလန်နိုင်ငံက လူရွှင်တော်တွေလည်း ပါဝင်လာကြတယ်လို့ Amnesty International ခေါ် နိုင်ငံတကာ လွတ်ငြိမ်းချမ်းသာခွင့်အဖွဲ့ကြီးက ပြောပါတယ်။ ထင်ရှားတဲ့ လူရွှင်တော်တွေဖြစ်ကြတဲ့ Michele A’ Court နဲ့ Jeremy Elwood တို့ဟာ နိုင်ငံတကာ လွတ်ငြိမ်းချမ်းသာခွင့်အဖွဲ့ကြီး Amnesty International က ဦးဆောင်လှုပ်ရှားနေတဲ့ ဇာဂနာ လွတ်မြောက်ရေး အစီအစဉ်မှာ ပါဝင်လာကြတာပါ။

ဇာဂနာကို ၂၀၀၈ ခုနှစ် ဇွန်လ ၄ ရက်နေ့မှာ ဖမ်းဆီးခဲ့တာဖြစ်ပါတယ်။ နာဂစ်မုန်တိုင်း စီမံခန့်ခွဲပုံနဲ့ပတ်သက်ပြီး အစိုးရကို ဝေဖန်ခဲ့တဲ့အတွက်ကြောင့် အဖမ်းခံခဲ့ရတာပါ။ ဥရောပက လူရွှင်တော်တယောက်ဖြစ်တဲ့ Michael Mittermeier ဟာ မြန်မာနိုင်ငံကို သွားရောက်ခဲ့ပြီး ဆရာ ဇာဂနာ ရဲ့အကြောင်းတွေကို စုံစမ်းမေးမြန်းခဲ့တာကို မှတ်တမ်း ရုပ်ရှင်တကား ရိုက်ကူးခဲ့ပါတယ်။

ဒီဇာဂနာအကြောင်း မှတ်တမ်းရုပ်ရှင်ကတော့ ကျနော်နေရတဲ့ ဒီအကျဉ်းထောင် လို့ အဓိပ္ပါယ်ရတဲ့ This Prison Where I Live ဖြစ်ပါတယ်။ ဒီရုပ်ရှင်ကား မိတ်ဆက် အထူးပွဲပြသရာမှာ နယူးဇီလန် လူရွှင်တော်တွေ ဖြစ်ကြတဲ့ Michele နဲ့ Jeremy တို့က ရယ်စရာ အခွင့်အရေးအတွက် ရပ်တည်ကြဖို့ ပြောကြားသွားပြီး လွတ်လပ်စွာ ဖော်ပြပြောဆိုပိုင်ခွင့်ဟာ လူ့အခွင့်အရေးအတွက်သာမက လူသားဟာ ကိုယ့်ကိုယ်ကိုယ် ရယ်စရာလုပ်နိုင်ဖို့ အတွက်လည်း အရေးကြီး လှပါတယ်လို့ ပြောဆိုသွားခဲ့ပါတယ်။ မကြာမီ ဇာဂနာ အကြောင်းရိုက်ကူးထားတဲ့ ဒီမှတ်တမ်း ရုပ်ရှင်ကို ကြည့်ကြရတော့မှာပါ။

ဂျပန်ကပ်ဘေးနဲ့ နျူကလီးယား အရေးပေါ်အခြေအနေ

ဂျပန်နိုင်ငံက ဖူကူရှီးမား ဓါတ်အားပေးစက်ရုံမှာ သောကြာနေ့ကလှုပ်ခတ်ခဲ့တဲ့ ငလျင်ဒဏ်ကိုခံခဲ့ရတာမို့ အခု ဓါတ်ပေါင်းဖိုအမှတ် (၃) မှာ အရေးပေါ်အနေအထား ကြုံနေရတယ်လို့ ဂျပန်နိုင်ငံ နျူကလီးယားဆိုင်ရာ လုံခြုံစိတ်ချရရေးအဖွဲ့ JNISC က တနင်္ဂနွေနေ့မှာ သတိပေးလိုက်ပါတယ်။ စနေနေ့က ဓါတ်ပေါင်းဖိုအမှတ် (၁) ရှိရာမှာ ပေါက်ကွဲမှုနဲ့အတူ စက်ရုံအဆောက်အဦးတခု ပျက်စီးခဲ့ရပြီး အခုလည်း အမှတ် (၃) ဓါတ်ပေါင်းဖိုက အအေးပေးတဲ့စနစ် ချို့ယွင်းလာတာမို့ ပေါက်ကွဲမှုတွေဖြစ်ပွားနိုင်တဲ့အန္တရာယ် ရှိနေတယ်လို့ဆိုပါတယ်။

သောကြာနေ့ နေ့လည်က လှုပ်ခတ်ခဲ့တဲ့ ပြင်းအားအဆင့် ၈.၉ ရှိတဲ့ငလျင်ကြီးနောက်ပိုင်း ၂၄ နာရီကျော်တဲ့အထိ ငလျင်ငယ် အများအပြား ဆင့်ကဲလှုပ်ခတ်ခဲ့တယ်လို့ ဖူကူရှီးမား နျူကလီးယား ဓါတ်ပေါင်းဖိုရှိရာ ဒေသမှာရောက်နေတဲ့ ဗွီအိုအေသတင်းထောက်တွေက ပြောပါတယ်။

စနေနေ့ပေါက်ကွဲမှုဖြစ်ပွားခဲ့တဲ့နောက်ပိုင်း လေထုထဲ အနုမြူဓါတ်ရောင်ခြည် ထုတ်လုပ်မှုပမာဏ လျော့ကျလာတယ်လို့ တာဝန်ခံတွေကပြောပါတယ်။ ဒါပေမဲ့ နောက်ထပ် ကြုံတွေ့လာနိုင်တဲ့ အန္တရာယ်အတိုင်းအတာကိုတော့ သေသေချာချာ မပြောပါဘူး။ ဓါတ်ပေါင်းဖိုရှိရာနေရာကနေ ၁၂ မိုင်ခွဲအတွင်း နေထိုင်နေကြတဲ့ဒေသခံတွေကို ဘေးလွတ်ရာရွှေ့ပြောင်းဖို့ အာဏာပိုင်တွေက ပြောကြားခဲ့ပြီး ရေဒီယိုသတ္တိကြွ ဓါတ်ရောင်ခြည်အဆိပ်သင့်မှု ကြိုတင်ကာကွယ်ဖို့အတွက် ဒေသခံတွေကို အိုင်အိုဒင်းဆေးပြားတွေ ဝေငှပေးခဲ့ပါတယ်။

ဂျပန်နိုင်ငံ အရှေ့မြောက်ပိုင်းဒေသတ၀ှမ်း ဆင့်ကဲလှုပ်ခတ်ခဲ့တဲ့ ငလျင်ဒဏ်နဲ့အတူ ဆူနာမီရေလှိုင်းကြီးတွေရဲ့ ဒဏ်ကို အကြီးအကျယ်ခံစားနေရချိန်မှာပဲ အခုလို နျူကလီးယားစွမ်းအင်ထုတ်တဲ့ ဓါတ်ပေါင်းဖိုတွေကနေ တွေ့ကြုံလာနိုင်တဲ့ အန္တရာယ်တွေကို ထပ်ပြီးစိုးရိမ်လာရတာဖြစ်ပါတယ်။

ငလျင်ဒဏ်နဲ့အတူ ဆူနာမီရေလှိုင်းကြီးတွေရဲ့ဒဏ်ကြောင့် သေဆုံးပျောက်ဆုံးရသူ အရေအတွက်ဟာ ဂျပန်စံတော်ချိန် စနေနေ့ညပိုင်းအထိ ၁,၃၀၀ ကျော်သွားပြီဖြစ်ပါတယ်။ အရေးပေါ်ကယ်ဆယ်ရေး စခန်းတွေကို သွားရောက်တဲ့သူပေါင်း ၂၁၀,၀၀၀ ကျော်ရှိတယ်လို့ သတင်းတွေကပြောပါတယ်။

သက်ဆိုင်သူသို့

zaw gyi one

“ပုဂ္ဂိုလ်ရေးအရ သံဃာတော်တွေဟာ နိုင်ငံရေးထဲမှာ မပါဝင်စေချင်ဘူး၊ သာသနာကို သန့်သန့် ရှင်းရှင်းနဲ့ ဗုဒ္ဓရဲ့ ၀ိနည်းအတိုင်း ဗုဒ္ဓရဲ့ စကားကိုနားထောင်ပြီး နိုင်ငံရေးလုပ်မယ့်အစား တမဂ် တ ဖိုလ်ပေါက်အောင် လုပ်ပြီးတော့ လူထုကို ငြိမ်းချမ်းအောင် ငြိမ်းချမ်းရေးတရားတွေဟောနိုင်တဲ့ ကိုယ်တော်တွေ ဖြစ်စေချင်တယ်” ။ ယခုဖော်ပြလိုက် သည့် စာသားမှာ မတ်လ ၂-ရက်နေ့ ည ဘီ ဘီစီရဲ့ လွတ်လပ်အတွေး ဆွေးနွေးဖလှယ်အစီစဉ်တွင် ဂျပန်နိုင်ငံမှ ဦးညွန့်ရွှေ ၏ ပါဝင်ဆွေးနွေး ချက် စကားကိုကောက်နှုတ် ဖော်ပြလိုက်ရခြင်းဖြစ်ပါသည်။ ယင်းဆွေးနွေးမှုအစီစဉ် တွင် ဦးညွန့်ရွှေ ၏ ရဲ့ဆွေးနွေးချက်ကို အပေါ်ယံ ကြည့်ပါက ရဟန်းသံဃာတော်များအပေါ်တွင် ထားရှိသည့် ၄င်း၏ စေတနာကောင်းကိုတော့ အသိအမှတ်ပြုကြရမည်ဖြစ်သည်။ သို့သော် တစ်ခါတရံတွင် စေတနာ ကောင်းကို အခြေခံထားသော်လည်း လုပ်ဆောင်ချက်နဲ့ လမ်းကြောင်းတစ်ခုက လွဲမှားနေခဲ့ပါလျှင် အောင်မြင်မှုမှ ဝေးသွားနိုင်သ လို အချိန်လည်းကြာမြင့်သွားနိုင်သည်။ ပို၍ဆိုးသည်မှာ မှားယွင်း သည့်လမ်းကြောင်းကို အမှန်ဟု မျိုးဆက်သစ်တို့ အထင်မှတ်သွားတတ်ခြင်းပင်ဖြစ်သည်။

လူအများ၏ဦးနှောက်ထဲတွင် စွဲမြဲနေသည့် ကိစ္စရပ်တစ်ခုမှာ ဘာသာရေးနဲ့ နိုင်ငံရေးသည် ပြဒါး တစ်လမ်း သံ တစ်လမ်းသဖွယ် တွေးထင်နေကြခြင်းဖြစ်သည်။ သို့သော် ဘာသာရေးကို ၄င်းတို့နိုင် ငံရေးအတွက်ဖြစ်စေ ကိုယ်ကျိုးစီးပွါးတစ်ခုအတွက်ဖြစ်စေ အသုံးချလိုသည့်အချိန်မှာတော့ မျဉ်း ပြိုင်အဖြစ် အသုံးပြုတတ်ကြလေသည်။ စာရေးသူအနေဖြင့် ဘာသာရေးနဲ့ နိုင်ငံရေးသည် ပြဒါး တစ်လမ်း သံတစ်လမ်းအဖြစ် မယူဆနိုင်သလို မျဉ်းပြိုင်တစ်ခုအဖြစ်လည်း မယူဆနိုင်ပေ။ နိုင်ငံ တစ်ခု လူအဖွဲ့အစည်းတစ် ခု၏ တည်ငြိမ်အေးချမ်းရေးအတွက် အာဏာစက်သည်လိုအပ်သလို ဓမ္မ စက်မှာလည်း မရှိမဖြစ်လိုအပ်လှပေသည်။ ဓမ္မစက်လွှမ်းမိုးမှုမရှိသည့် မည်သည့်အာဏာစက်မဆို စစ်မှန်သည့် ငြိမ်းချမ်းမှုရလာဒ်မျိုးကို ပေးနိုင်မည်မဟုတ်ပေ။ ဘာသာရေး၏ အထိမ်းအကွပ် ဘာ သာရေး၏ အဆုံးအမ လမ်းညွှန်မှုများသည် ဓမ္မစက်လွှမ်းမိုးရေးဖက်ကို ဦးတည်နေသည်ဆို သည် မှာ ငြင်းပယ်၍မရနိုင်ပေ။ ဗုဒ္ဓဘာသာ၏ လမ်းညွှန်ချက်များကို လက်တွေ့ကျကျ လေ့လာကြည့်ပါ က နိုင်ငံရေး စီးပွါးရေး လူမှုရေးစသည့် အရေးကိစ္စပေါင်းများစွာ ပါဝင်နေသည်ကို တွေ့ရှိရပေ လိမ့်မည်။ အကယ်၍ ဗုဒ္ဓဘာသာနှင့် ယင်းအရေးကိစ္စများ မသက်ဆိုင်ခဲ့ပါက အကျိုးမရှိသည်ကို ပြောဆိုတော်မမူ သည့် မြတ်စွာဘုရားအနေဖြင့် မူလကတည်းက ဟောကြားတော်မူခဲ့လိမ့်မည်မ ဟုတ်ပေ။ ဒီပင်္ကရာမြတ်စွာဘုရား လက်ထက်တော်ကပင် နိဗ္ဗာန်ချမ်းသာကို ၀င်စံတော်မူနိုင်သော် ငြားလည်း ငါသိသလို သတ္တ၀ါအများကို သိရှိစေရမည်၊ ငါ ဆင်းရဲဒုက္ခအပေါင်းမှ လွတ်မြောက်သ လို သတ္တ၀ါအများလည်း လွတ်မြောက်စေရမည်၊ ငါ သံသရာဝဋ်ဆင်းရဲအပေါင်းမှ ကူးမြောက်သလို သတ္တ၀ါအပေါင်းကိုလည်း ကူးမြောက်စေရမည် ဟူသည့် သတ္တ၀ါတို့အပေါ် မဟာကရုဏာကြီးမား စွာဖြင့် ပါရမီတော်ကြီးများကို ကမ္ဘာပေါင်းများစွာ ပင်ပန်းဆင်းရဲ စွာဖြင့် ဖြည့်ကျင့်တော်မူခဲ့သည်။ ယင်းကဲ့သို့ ဘုရားမဖြစ်မှီ ဘုရားအလောင်းတော် ၏ ရည်ရွယ်ချက်တစ်ခု တည်းကပင် ဗုဒ္ဓဘာသာ၏ အဓိကဦးတည်ချက်က ဘာလဲဆိုသည်မှာ ထင်ရှားနေသည်။

သိဒ္ဓတ္ထမင်းသားတစ်ဖြစ်လည်း ဂေါတမဘုရားအလောင်းတော်ကြီးသည် မဟာသက္ကရဇ် ၁၀၃-ခုနှစ် ကဆုန် လပြည့်နေ့ ည၏ နောက်ဆုံးယံတွင် သဗ္ဗညုတဉာဏ်တော်ကြီးကို ရရှိတော်မူပြီး လောကသုံး ပါး၌ အတုမရှိဘုရားအဖြစ်သို့ ရောက်ရှိတော်မူခဲ့ပြီးနောက် ပထမ၀ါ၌ပင်  နောက်လိုက် တပည့်သံ ဃာအပါး ၆၀-ရရှိတော်မူခဲ့သည်။ ၄င်းသံဃာတော်အပါး ၆၀ ကို မိန့်တော်မူခဲ့သည့် မြတ်စွာဘုရား ၏ စကားတော်မှာ ရဟန်းသံဃာတော်များနဲ့ ဗုဒ္ဓဘာသာဝင်များအတွက် အထူးသဖြင့် ထိုထိုအရေး ကိစ္စများတွင် ဗုဒ္ဓ၀ါဒ၏ပါဝင် ပတ်သက်မှုများကို နားလည်မှုလွဲမှားနေကြသူများအတွက် မှတ်သား ဖွယ်ရာကောင်းလှပေသည်။ သံဃာတော်အပါး ၆၀-ကို မြတ်စွာဘုရားရှင်မိန့်ကြားတော်မူခဲ့သည်မှာ “ရဟန်းတို့ ‘ လူအများရဲ့ အစီးအပွါးအလို့ငှါ လူအများရဲ့ ချမ်းသာသုခအလို့ငှါ ခရီးထွက်ကြ စသည် တို့ပင်ဖြစ်သည်။ ယင်းစကားရပ်သည် မြောက်များလှစွာသော ဘုရားရှင်၏ စကားတော်များထဲမှ အ စိတ်အပိုင်းလေးတစ်ခုမျှသာဖြစ်သည်။

ဦးညွန့်ရွှေ ပြောသွားခဲ့သည့် “သာသနာကို သန့်သန့်ရှင်းရှင်းနဲ့ ဗုဒ္ဓရဲ့ ၀ိနည်းအတိုင်း ဗုဒ္ဓရဲ့ စကား ကိုနားထောင်ပြီး” ဆိုသည့်စကားတွင်  ဗုဒ္ဓ၏ စကားတော်များက ဘာတွေနည်းဆိုသည်ကို ၄င်းအ နေဖြင့် လေ့လာရန်ပျက်ကွက်နေပုံရ သည်။ အပြစ်သင့်ခြင်းဆိုရာဝယ် မလုပ်အပ် မလုပ်သင့်သည် ကို ပြုလုပ်မိ လွန်ကျူးမိခြင်းကြောင့် အပြစ် သင့် ရောက်ရသကဲ့သို့ လုပ်သင့် လုပ်ထိုက်သည်ကို မ လုပ်ခြင်းမှာလည်း အပြစ်တစ်ခုပင်ဖြစ်လေသည်။

ဗုဒ္ဓဘာသာ၏ မှတ်တမ်းဖြစ်သည့် ပိဋကတ်သုံးပုံကို ပြန်လေ့လာကြည့်ပါက မြတ်ဗုဒ္ဓသည် တစ်မဂ် တစ်ဖိုလ် ကိစ္စလောက်ကိုသာ ဟောတော်မူခဲ့တာမဟုတ်ပေ၊ ဦးညွန့်ရွှေ ပြောသွားခဲ့သည့် စကား ထဲတွင် “ရဟန်းသံ ဃာတော်တွေ နိုင်ငံရေးလုပ်မယ့်အစား တစ်မဂ် တစ်ဖိုလ်ပေါက်အောင်လုပ်ဖို့” ဆိုပြီး တိုက်တွန်း သွားခဲ့သည်ကိုလည်း ကြားလိုက်ရသည်။ ဤနေရာတွင် နိုင်ငံရေးဆိုသည်ကို ကျယ်ကျယ်ပြန့်ပြန့် နားလည်အောင် လေ့လာဖို့လိုအပ်လှပေသည်၊ လူအပါအ၀င် သက်ရှိသတ္တ၀ါ ပေါင်းများစွာရှိနေသည့် နိုင်ငံနှင့် လူမျိုးအကျိုးအတွက် မိမိတို့စွမ်းနိုင်သည့်ဖက်မှ လုပ်ဆောင်နေ ကြခြင်းသည်လည်း နိုင်ငံရေးပင်မဟုတ်ပါလား။ တမဂ် တဖိုလ် ဆိုသည့်ကိစ္စထဲတွင် အစာအဟာရ စားသောက်မှီဝဲသုံးဆောင်မှု စသည်များမပါဝင်ပေ။ ယင်းစားသောက်မှုစသည့် ကိစ္စများရပ်များ သည် လောကီကိစ္စမျှသာဖြစ်ပေ သည်။ လောကီ လောကုတ်ကိစ္စများ ကိုခွဲပြီး ရဟန်းသံဃာတော် များအနေဖြင့် လောကုတ္တရာကိစ္စများနဲ့သာ သက်ဆိုင်သည် လောကီကိစ္စများနှင့် မသက်ဆိုင်ရဟု ကန့်သတ်လိုက်ပါလျှင် အစာအာဟာရ စားသောက်မှုများပင် ရှောင်ကျင်ရပေတော့ မည်။ လောကမှ လွတ်မြောက်ခြင်း သည် ပင် လောကုတ္တရာဖြစ်ခြင်း ကြောင့် လောကမှ မလွတ်မြောက်သေး မှီ လောကအလုပ် လောကီအလုပ်များကို လုပ်နေရခြင်းမှာ အထူးအဆန်း မဟုတ် သလို လောကီကိစ္စ ရပ်တိုင်းမှာလည်း အပြစ်ရှိသည်ဟု သတ်မှတ်၍ မရနိုင်ပေ။ မိမိလုပ်ဆောင်သည့်လုပ်ရပ် အပြစ် ကင်းစင်ဖို့သာ လိုအပ်ပါ သည်။ ဘုရားဟောတော်မူထားသည့် ပိဋကသုံးပုံကို အနှစ်ချုပ်လိုက်လျှင် မကောင်းမှုကို ရှောင်၊ ကောင်းမှု ကို ဆောင်ပြီး၊ မိမိစိတ်ကို ဖြူစင်အောင် ထားရေးဆိုသည့် အချက် သုံးချက်ကိုတွေ့ရပေလိမ့်မည်။ ထို့ကြောင့် မိမိနိုင်ငံနှင့် မိမိတို့ လူမျိုးကောင်းကျိုးတို့အတွက် လုပ် ဆောင် ပြောဆိုနေခြင်း မှာ အပြစ်တစ်ခုလားဟု ပင် ပြန်လည်ပြီးမေးခွန်းထုတ်ရပေလိမ့်မည်။

“တမဂ် တဖိုလ်ပေါက်အောင် လုပ်ပြီးတော့ လူထုကို ငြိမ်းချမ်းအောင် ငြိမ်းချမ်းရေးတရားတွေဟော ဖို့” ဆိုပြီးလည်း ယင်းအစီစဉ်တွင် ဦးညွှန့်ရွှေ မှတိုက်တွန်းသွားခဲ့သည်။ လူထုကို ငြိမ်းချမ်းအောင် ငြိမ်းချမ်းရေးတရားတွေဟောဖို့ ဆိုသည့်ကိစ္စတွင် တမဂ် တဖိုလ်ပေါက်အောင် လုပ်ပြီးမှ တနည်း အားဖြင့် မဂ်ဖိုလ်၇ပြီးမှ ဟောပြောလို့ရပါသလား ဟုမေးလိုက်ချင်သည်၊ တစ်ချိန်တည်းမှာပင် မြန် မာနိုင်ငံတွင်းမှ သံဃာတော်တွေ ကရော ငြိမ်းချမ်းရေးတရားတွေကို လွတ်လွတ်လပ်လပ် ဟော ပြောခွင့်ရကြပါရဲ့လား ဆိုသည်ကိုလည်း စဉ်းစားစေချင်သည်။ ရဟန်းသံဃာ တနည်း အားဖြင့် သံဃာ့အဖွဲ့အစည်းကြီးကို မိမိဟောဖော်ညွှန်ပြတော်မူခဲ့သည့် တရားတော်များကို ထိန်းသိမ်းစောင့် ရေး ကျယ်ကျယ်ပြန့်ပြန့် ဟောပြော ပို့ချရေးတို့အတွက် မြတ်စွာဘုရားရှင်မှ တည်ထောင်ထားတော် မူခဲ့ခြင်းဖြစ်သည်။ ထိုကြောင့် ဘုရားရှင်ဟောတော် မူခဲ့သည့် တရားတော်များက ဘာတွေဖြစ်သည် မည်မျှကျယ်ဝန်း သည် ဆိုသည်တို့ကို လေ့လာသင့်ကြပေသည်။ ဘာသာ အယူဝါဒတစ်ခုနဲ့ ဆက် စပ်ပြီး ဆွေးနွေး ဝေ ဖန် ပြောဆိုကြရာ တွင် မိမိပြောဆို ဆွေးနွေးမည့် ယင်းအကြောင်းအရာကိစ္စနဲ့ ဆက်စပ်နေသည်များကို ဓမ္မဓိဋ္ဌာန်ကျကျလေ့ လာမှုမရှိပဲ မိမိကိုယ် ပိုင်အသိအမြင် အတွေးအခေါ် မျှဖြင့် ပြောဆိုဆွေးနွေးပါက အဂတိတရားများ၏ လွှမ်းမိုးမှုအောက်တွင်သာ အဆုံးသတ် သွားနိုင်ပြီး နောင် လာ နောက်သားတို့အတွက်မှာလည်း အမှားကိုပင် အမှန်ဟု အထင်ရောက်သွားနိုင်သည်။

အတွေးမှား အယူမှား မျိုးစေ့များကို အနာဂတ်မျိုးဆက်သစ်တို့၏ နှလုံးသား ဥယျာဉ်ဝယ် မစိုက်ပျိုး မိကြစေဖို့ တိုက်တွန်းလိုက်ရပါသည်။

                                                                                                                  အရှင်ဥက္ကဋ္ဌ

                                                                                                                               

စနေနေ့တိုင်းလုပ်အားပေး

zaw gyi one

  ကဲ .. ကိုလူတို့ရေ  မဖြစ်မနေလုပ်ရမှာလေ တအိမ်တယောက်ပေါ့ ၊ မလုပ်ဘူးလားရတယ် တယောက်ကို ၅၀၀၀ ၊ ဒါမှမရဘူးလား နိုင်ငံတော်ပှန်ကန်မူ ဆိုပြီး စံသွားမယ်။။။ ဘဘ တွေရဲ့စေတာနာတွေပါ ကြီးသည်ငယ်သည် ဂရုမစိုက် ပြည်သူတွေ ထင်ရာစိုင်း ပြီးလုပ်တက်တဲ့ အာဏာရူးတွေရဲ့ အမိန့်ပေါ့။

ကြားထဲက ကြံဖွတ် နဲ့ စွမ်းအားရှင်ကပါသေးတယ် ဘာထင်လိုလဲ ကိုလူရေ။

တိမ်တွေတောက်နေတဲ့ ညနေခင်း

zaw gyi one

 ညနေခင်း ကလေး ဖြစ်သည်။ ညနေခင်း ဆိုသည်မှာ အမှန်တော့ နေ့တစ်နေ့၏ သက်တမ်းရင့် အချိန်ကာလ တိုကလေး တစ်ခုသာဖြစ်သည်။ အလှတရားနှင့် ဘ၀ ဖြတ်သန်းမှု ရင့်မှည့်ချိန် ကာလတို ကလေးတစ်ခု ပေပဲ။ ဒါဟာ ညနေခင်း တစ်ခုရဲ့ လေးနက် ခိုင်မာသော အဓိပ္ပာယ် တစ်ခု ဖြစ်သည်။ ထိုသက်တမ်းရင့် အချိန် ကာလတိုကလေး အတွင်းမှာ အိုမင်းမစွမ်း နိုင်လှသော အဘွားအို တစ်ဦး ငုတ်တုတ် ထိုင်နေခဲ့လေသည်။ ထိုအဘွား အိုတစ်ဦး ထိုင်နေပုံမှာ အပြင်ပန်းအားဖြင့် ငြိမ်သက် နေခဲ့ပေမည့် အချိန်မရွေး ပေါက်ကွဲသွားနိုင်သည့် လက်ပစ်ဗုံး တစ်လုံးနှင့်သာ တူညီနေ လေသည်။ 

မကြာမီ ပြဿနာ တစ်ရပ်သည် ဖြစ်ပွားတော့မှာ ဖြစ်ပြီး ထိုပြဿနာရပ်ကို လည်း ရင်ဆိုင်ရန် အသင့်အနေအထား မှာရှိနေခဲ့ လေသည်။ မျက်နှာတစ် ပြင်လုံးမှာ ဇရာ၏ အရေးအကြောင်း တွေဖြင့် ရွတ်တွနေ ခဲ့ပေမည့် မျက်လုံး တွေက စူးရှတောက်ပ နေကြသည်။ အဘွားကြီးသည် ပျိုမျစ်သည့် အရွယ် ကဆိုလျှင် အင်မတန် စိတ်ဓာတ်ပြင်းထန် ခဲ့မှာ သေချာနေ တော့သည်။ နှုတ်ခမ်းပါး လေးတွေဖြင့် စွာတေးခဲ့သော အပျိုမ ကလေးသည် ယခုအခါ ဇရာထောင်း နေခဲ့သော်လည်း အတွင်းစိတ်က ပြင်းထန်နေဆဲမို့ တစ်ခါ တစ်ရံ ငယ်စိတ်က နှိုးဆွသည့် အချိန်မျိုးဆိုလျှင် သက်ကျားရွယ်အို အဘွားကြီးတစ်ဦးသည် မြွေဟောက် တစ်ကောင်လိုလည်း ပါးပျဉ်ထောင် တတ်ပါသေးသည်။ ရပ်ကွက် ကလေးသည် ကျီးအာသံ၊ မောင်း ထောင်းသံတွေ၊ ခွေးဟောင်သံ တွေဖြင့် ဝေစည် နေသည်။ မန်ကျည်းပင် ထိပ်ဖျားတွေမှာ နေခြည် တွေ စွန်းကွက်နေသည်။ အခြားမီးဖိုခန်း တွေထဲမှ ပြာနှမ်းသော မီးခိုးတွေ တလူလူဝေ တက်လာနေ ခဲ့ပေမည်။

သူတို့ ပိုင်ဆိုင်သော အိမ်ဝိုင်း အတွင်းရှိ မီးဖိုခန်း လေးမှာမူ မီးခိုးတွေ ဝေ့လူနိုင်ခြင်း မရှိသေးပါ။ အမှန်တော့ ချက်ချိန်ပြုတ်ချိန် ရောက်နေခဲ့ပေပြီ။ ကလေးနှစ်ဦးကတော့ ဒါတွေမသိ။ ဇွန်ပန်းချုံအနီးတစ်နေရာမှာ ဖျာကြမ်း လေးခင်းပြီး ပန်းအဖူးလေးတွေကို စိတ် ရှည်ရှည် ထားလျက် အပ်ချည်ကြိုးကလေးတွေဖြင့် သီကုံး နေခဲ့လေသည်။

ထိုအချိန်မှာ ရပ်ကွက်အတွင်းသို့ ရွှေဖိုးခံ ၀တ်အသင်း အလှူခံရန်ဝင်လာသည်။

"အမေကြီးရေ ဦးတော်တွေလာကုန်ပြီ"

ဟုဆိုကာ ပန်းသီနေသော ကလေးနှစ်ဦး ထပြေးသွားသည်။ ရုတ်တရက် အသက်ဝင် လာသလို လှုပ်ရှားသွား သည်။ အိမ်ကုပ်ကလေးထဲသို့ လှမ်းဝင်သွားသည်။ ဆန်အိုးထဲသို့ အယောင်ယောင် အမှားမှား ငုံ့ကြည့်ဖြစ် သေးသည်။ သည်ဆန်အတွက် ခေါင်းမီး တောက်နေရတာကို သတိရသွားသည်။ မထူးချေ။ ခေါင်းအုံးအောက်မှာ ငါးဆယ်တန် တစ်ရွက်ကို လှမ်းနှိုက်လိုက်ပြီး ကြိုးတန်းပေါ် လွှားတင်ထား သော ချည်ကြမ်းတဘက်ကို လှမ်းဆွဲကာ ထွက် ခဲ့သည်။

ဆိုင်းသံ၊ ဗုံသံ၊ နှဲသံ၊ မောင်းသံတွေဖြင့် ညနေခင်း လေးသည် လှုပ်ရှားသက်ဝင် နေသည်။ လမ်းဘေးဝဲယာတွေမှာ သြဇာသီး အာအာကြီးတွေ၊ သလဲသီး နီနီရဲရဲကြီးတွေ လောင်းမည့်သူ တွေအပြင် ဆွမ်းဆန်စိမ်း၊ ငွေစက္ကူ လောင်းမည့် အဒေါ်ကြီး၊ ဦးလေးကြီး၊ အပျိုမတွေဖြင့် စည်ကားနေသည်။ ညနေခင်း၏ နေရောင်ခြည်တွေ နှင့်အတူ ၀တ်အသင်းမှ ၀တ်ဖြူစင်ကြယ် ၀တ်စုံ တွေကို အဘွားကြီး မျက်လုံးထဲမှာ ၀ါးဝါးမှုန်မှုန် မြင်နေရသည်။ ဘုရားထီးဖြူ၊ ရွှေနားကွပ်၊ ငွေ နားကွပ်တွေက ရောင်ပြန်ဟပ်ပြီး တလက်လက် တဖိတ်ဖိတ် မြင်နေရတော့ ရင်ထဲမှာ ကြည်နူးစိတ် နှင့် ဘယ်ကို လွမ်းရမည်မသိ ဖြစ်ပေါ်ခံစား နေရသည်။

" ကိုဘကောင်းရေ အမျှ အမျှ အမျှပါတော်။ ရှင်ကတော့ အေးချမ်းသွားပါပြီ"

လုိ့ စိတ်ထဲက နေ နင့်သီးစွာ ရေရွတ်မိသည်။ ၀ါတွင်းကာလ ရောက်တိုင်း မမေ့နိုင်စရာ ပုံရိပ်တွေကို တန်းစီ မြင်ယောင်နေမိတော့သည်။ ဟိုးလွန်ခဲ့သည့်နှစ် တွေ၊ နှစ်တွေကို မရေမတွက် နိုင်အောင် နောက် ဆုတ်လိုက်ပါက တစ်ခုသော ၀ါတွင်းကာလမှာ ဖြစ်သည်။ သည်တုန်းက အဘွားကြီး အသက် ငယ်နုချိန် ၁၅ နှစ်ပင် မပြည့်တတ် သေးသည့် အပျိုမလေးတစ်ဦး၊ အပျိုမလေး အေးနု၏ အဖေ က ရပ်ကွက်ထဲမှာ ရပ်ကွက်လူကြီး မဟုတ်ခဲ့ ပေမယ့် ရွှေဖိုးခံဝတ် အသင်းမှာတော့ လူရိုသေ ရှင်ရိုသေ ခေါင်းဆောင်လူကြီး တစ်ဦးဖြစ်ခဲ့သည်။

ဘိုးဘွားတွေ လက်ထက် ကတည်းက ကျင်းပခဲ့သော အဖိတ်နေ့တွေမှာ ရွှေမြင်းတင်မြတ်စွာ ဘုရား ရွှေချပူဇော်ရန် ရွှေဖိုးခံဝတ်အသင်း လှည့် လည်အလှူခံခြင်းနှင့် ဥပုသ်နေ့ မနက်ခင်းတိုင်း မှာ အရုဏ်ဆွမ်းကပ် စသည်တို့ကို နှစ်စဉ် စည် ကား သိုက်မြိုက်စွာ ကျင်းပနိုင်ဖို့ လက်ဆင့်ကမ်း ရိုးရာ အမွေ တစ်ခုရှိသည်။ ထိုအမွေကို အဖေ သည် တာဝန်ယူ လုပ်ဆောင်နေခဲ့ ရပေသည်။

သို့ဖြင့် . . .
မောင်းဆိုင်းဆရာလေး အင်းရောင်းသား မောင်ဘကောင်းနှင့် မြို့ ကြီးသူအပျိုချော မအေးနု တို့၏ ဇာတ်လမ်းစခဲ့ကြသည်။ ထိုစဉ်က မအေးနု တို့ မြို့ကလေးမှာ (၂၄) နာရီ လျှပ်စစ်မီး လင်းနိုင်ခြင်း မရှိသေးပါ။ စကိုဒါ မီးစက်ဖြင့် ည၀က်စနစ် သာ အလင်းရရှိခဲ့သည်။ မအေးနုတို့ အိမ်အောက် ထပ်မှာ

"အောက်လင်း"

ဓာတ်မီးအိုးကြီး တရှဲရှဲ ထွန်းကားတာကို မမေ့သေး။ ဆိုင်းအဖွဲ့နှင့် ရောက် လာသော မောင်ဘကောင်း သည်လည်း အမှတ် ရနေဦးမှာပါ။ ရေနံချေးတွေ ၀ပြီး၊ ညိုမည်းနေ သော နှစ်ထပ်အိမ် မြင့်ကြီးအတွင်းက မျက်ခွံမို့မို့ လေးတွေ၊ နှာတံစင်းစင်းလေးတွေဖြင့် ပြေးထွက် လာသည့် အေးနုနှင့် ပက်ပင်းဆုံခဲ့ရပုံတွေ၊ ပထမ ပိုင်းမှာတော့ စစ်တဘက် အစိမ်းကြီးကို ပခုံးပေါ် တင်ထားသည့် နက်ခြောက်ခြောက်၊ ပိန်သေး သေး၊ ဆံပင်လိပ် ထောထောနှင့် တောသားဆိုင်း ဆရာလေးကို အထင်သေးသလို ဟန်လေးဖြင့် မျက်ခုံးလေး တွန့်ကြည့်သည်။ ဘကောင်းက လက်ခတ်လေး နှစ်ချောင်းကို ပူးကိုင်ထားရင်း မှင်သက်မိ သွားသည်။

"၀တ်လှည့်ဆိုင်း"

ဆိုတော့ အလှူပွဲလမ်း သဘင်တွေမှာလို ဆိုင်းဝိုင်းအပြည့်အစုံ မဟုတ် ပေ။ မောင်းဆိုင်း၊ ဗုံထောက်နှဲ၊ လင်းကွင်းနှင့် တောက်တီးသူ အချို့သာ။ မြို့အနှံ့ အလှူခံလှည့် စဉ်မှာ ခြေလျှောက်တီးရသည်။ ဘကောင်းတီး မည့် မောင်းဆိုင်းကို ကလေးနှစ်ဦးက ပခုံးထမ်း ပေးထားသည်။ ရှေ့ဆုံးမှ သာသနာ့အလံတော် ကီးကို ကိုင်ထားသူ ကိုဖုန်းမြင့်မှာ မနက် ဆွမ်း တော်စွန့်သည့် အခါမှာလည်း သူပဲတာဝန်ယူပြီး၊ ဘုရားရှေ့က ကျောက်သပိတ်ကြီး ထဲမှာ စွန့်ရ သည်။ သူ့နောက်က ငွေကလာပ်ကို ကိုင်ပြီး ခန့်ခန့်ညားညားကြီး လိုက်လာသူမှာ အေးနုရဲ့ အဖေ။ သူ့နောက်က ကြေးစည်၊ သပိတ်၊ ရွှေ ယွန်းအုပ်၊ ကျိုင်း၊ ဘုရားထီးဖြူ၊ အုပ်နီ၊ မောင်းထု သူ၊ ထို့နောက် ဘကောင်းတို့ ဆိုင်းဝိုင်း။ အဆို တော် အမျိုးသမီး မာလာဆင့်က ဘာသာရေး သီချင်းများကို တစ်ပုဒ်ပြီးတစ်ပုဒ် သီဆိုရင်း ခြေ လျှောက်လိုက်လာ ရသည်။

ရပ်ကွက် အတွင်းရှိ ရေနွေးသောက်ရန် ဖိတ် ထားသော အိမ်တွေမှာနားရင်း အလှူရှင် ကျေနပ် သာဓုခေါ်နိုင်အောင် ဆုတောင်းစာကို ရွတ်ရသည်။ ပြီးလျှင် ၀တ်အသင်းတစ်ဖွဲ့လုံး သာမက ဆိုင်း ဆရာတွေပါ တညီတညွတ်တည်း  "သာဓု" သုံး ကြိမ်ရွတ်ဆိုရင်း သီချင်းတစ်ပုဒ် တီးကြပြီး ပြန်လည် ထွက်ခွာ ခဲ့ကြရသည်။ တစ်မြို့လုံး အနှံ့ အပြား လှည့်လည်သွားလာ ရသည်ဆိုတော့ ဘကောင်း ခြေထောက်တွေ ညောင်းညာကိုက်ခဲ နေသည်။ ဒါပေမယ့် အေးနုတို့ အိမ်မြင့်ကြီးဆီ ရောက်ရှိသည့်အခါ အပေါ်ထပ် ၀ရန်တာမှာ ရပ်နေ မည့် အေးနုကို မျက်လုံးလေး တစ်ချက်ဝေ့ကြည့် ခွင့်ရလျှင်ပင် ဘကောင်းအမောပြေပြီ။ တီးကွက် မမှားအောင် မောင်းဘုလေးတွေအပေါ် လက်ခတ် ကလေးဖြင့် ဂရုတစိုက် တီးခေါက်နေရ သည့်တိုင် မျက်လုံးတွေက အေးနုထံ မခွာချင်သေး။

"အေးနု ရေ ဆိုင်းဆရာတွေ လာပြီဟေ့"

ဟူသော အသံ နှင့်အတူ ကျယ်ဝန်းသည့် အေးနုတို့အိမ်ဝိုင်းထဲ မှာ ဖျာတွေအပြည့် ခင်းထားတာကို တွေ့ရသည်။ ရပ်ကွက်ထဲမှာ လာပို့ထားသော ရေနွေးပွဲတွေ အစီအရီ။ ဘကောင်းတို့ ဆိုင်းအဖွဲ့မှ တီးလုံးကို ရပ်ဆိုင်းလိုက်ပြီး ဆိုင်းပစ္စည်း တွေကို အေးနုတို့ အိမ်ကြီးရှိ ကွပ်ပျစ်ပေါ်မှာ စနစ်တကျ သိမ်း ဆည်း လိုက်ကြသည်။

"ကဲ ဆရာတို့ အမောဖြေရင်း ရေနွေးလေး သုံးဆောင်ကြပါဦး"
"မဆိုးဘူး လှူဖွယ်ပစ္စည်းတွေ လှလှပပ ရသားနော်"
"အမယ် ရွှေဖိုးငွေကလည်း မနည်းမနော နေမှာ၊ ဟိုမှာ လူကြီးတွေ မျက်နှာစုံညီ ရေတွက် နေကြတယ်"
"ဟ မောင်ဘကောင်း အမောပြေ ရေနွေး ကြမ်းလေး သောက်ဦးလေ။ ထိုင် ထိုင်"

အမှန်တော့ မောင်ဘကောင်း အမောပြေ သွားပါပြီ။ ရေနွေးသောက်စရာ မလိုတော့ချေ။ အေးနုနှင့် အပျိုမလေးတွေ ရေနွေးတွေလာဖြည့်၊ အမြည်းခွက်တွေ လာချတော့ အေးနုမျက်နှာကို အနီးကပ် ကြည့်ခွင့်ရသွားသည်။ သနပ်ခါးသင်း ရနံ့ ယဉ်စစလေးက ဘကောင်းနှာဖျားတို့ထိ သွားသည်။ ဘကောင်းအားငယ်စိတ်ဖြင့် မလုံလဲ စွာ နောက်ဆုတ်လိုက်မိသည်။ သူ့ထံက ချွေးနံ့ တွေက မအေးနုကို အနှောင့်အယှက်ပေးမိသလို ဖြစ်နေမလား။ အတွေးမဆုံးလိုက်ချေ။ ဘကောင်း ခြေသလုံး ရေနွေးပူတွေ လောင်သွားသလို

"အို မတော်လို့ပါရှင်။ ကန်တော့နော်"

လို့ အေးနု အသံ ကြားလိုက်ရသည်။ နှဲဆရာ ဘကြီးသိန်း ပြောသည့်
"ရှက်ဝမ်းသာစရာကြီး" ဆိုတာ အဲဒါ နေမှာ ဆိုသည်မှာ အမှတ်ရလိုက်သေးသည်။
အမှန်တော့ . . .။

ထိုနေ့ညက အေးနုလည်း အိပ်မပျော်ခဲ့ပေ။
လင်းကြက် တွန်သံနှင့်အတူ နိဗ္ဗာန်ဆော် ကြီးကိုအောင်လှိုင်၏ ဆွမ်းချက်နိုးသည်အထိ ဆံပင်လိပ်ထောထောနှင့် ဆိုင်းဆရာလေးကို မြင် ယောင်နေဆဲပင် ရှိသည်။ သနားစိတ်နှင့် အစ်မ စောသန်းကို ဖွင့်ပြောမိတော့ မနက်အရုဏ်ဆွမ်း ကပ်လိုက်ဖို့ ဇွန်ပန်းသီနေသည့် အစ်မစောသန်း က နှုတ်ခမ်းကို တွန့်ဆပြုံးရင်း ခွန်းတုံ့မပြန်။ "အစ်မနော် ရှင်ဘာဖြစ်နေတာလဲ" လို့ သူက နှုတ်ခမ်းပါးလေးကို အားယူချွန်မြပြောလိုက် သည်။
"ဓာတ်ရှင်ဇာတ်လမ်းအစကို သွားအမှတ် ရလို့ပါ အေးနုရယ်"
တဲ့လေ။ အေးနု မျက်လုံး လေးတွေ စူးရှဝိုင်းလက်သွားသည်။

"ဟော် အစ်မစောသန်းကြီး အတော်အားနေ"
လို့ ပြောပြီး လှေခါးမြင့်မြင့်ကြီး အတိုင်း ဘာရယ်မဟုတ် အိမ်ပေါ် ပြေးတက်ခဲ့သည်။ နဖူးစာ ရွာလည်ဟု အေးနုကြားဖူးသည်။ ယခုတော့ နဖူးစာက မြို့ကို မျက်စိလည် ရောက်လာခဲ့ချေ သည်။ အသားညို ပြေပြေလေးနှင့် နူးညံ့လှသော ဆိုင်းဆရာလေးသည် (၁၀) တန်းအောင်ပြီး ကျောင်းဆရာ ဖြစ်သွားခဲ့သည်။ သူ စွဲလမ်းတပ် မက်ခဲ့သော မြို့ကြီးသူ မာနအိုးမလေးကို အနွံ အတာခံနိုင်ခြင်းဖြင့် အနိုင်ယူခဲ့သည်။

သြော် ယခုတော့လည်း အေးသီဆိုသည့် သမီးလေးတစ်ဦးနှင့် သူ့ကိုကျောခိုင်း သွားရှာခဲ့ပြီ။ ဘ၀ဆိုတာ ရထားပေါ်မှာ အိပ်ငိုက်မိသလိုပါ လား။ ကိုယ်အိပ်ငိုက် လိုက်မိသည်မှာ တဒင်္ဂဟု ထင်မိသည်။ လန့်နိုးပြီး ရထားပြတင်းပေါက်မှ ပတ်ဝန်းကျင်ကို သတိထား ကြည့်လိုက်တော့ ဘူတာမြောက်မြားစွာ ကို ကျော်ဖြတ်ခဲ့ပြီး ဖြစ်နေ ပြီ။ ဘ၀နှင့် အချိန်ဆိုတာ ဒါပဲ ဖြစ်သည်။

အချိန်တွေ ပြောင်းလဲသည်နှင့် အမျှ အခြေ အနေတွေလည်း ပြောင်းလဲနေခဲ့သည်။ ဟိုတုန်းက အေးနုအမေ ပြောပြခဲ့ဖူးသည်။ သူတို့ အပျို ဘ၀တုန်းကတဲ့။ အခုလို အရုဏ်ဆွမ်း ကပ်ပြီး လို့ ဆွမ်းတော်ပွဲတွေကို ဘုရားရှေ့က ကျောက် သပိတ်ကြီးထဲကို စွန့်သည့်အခါ ဟိုးချောင်းမကြီး ရဲ့ မြောက်ဘက်ကမ်းပါးရှိ "တိုက်ရာပေါ် " ကုန်း တောနက်ကြီး ထဲကနေ အင်မတန် ကြီးမားတဲ့ မြွေကြီးတစ်ကောင်ဟာ တရွေ့ရွေ့ ဆင်းလာပြီး ကျောက်သပိတ် ကြီးထဲက ဆွမ်းတွေ၊ သစ်သီး တွေ၊ မုန့်တွေကို လာစားသတဲ့။ စားပြီးသည့် အခါ တိုက်ရာပေါ်ကုန်းဘက်ဆီ တလွန့်လွန့်နှင့် တက်သွားပါသတဲ့။ ပုံပြင်ဆန်သည့် အဖြစ်သနစ် ကလေးပေါ့။ နောက်တော့ ကလေးတွေပဲ တပျော်တပါး လုယက် စားသောက်ကြသည်။ မြွေကြီးကား ပေါ် မလာတော့ချေ။

နောက်တော့ ကလေးတွေပင် လုမစားရ တော့ပေ။ မလင်းခင်ကတည်းက ဘုရား ရင်ပြင် ပေါ်မှာ ငုတ်တုတ် ထိုင်စောင့်နေသည့် သူတောင်းစား အိုကြီးထံ ပါသွားပြီ။ ပြောရဦးမည်။ ဟိုတုန်းက အရုဏ်ဆွမ်း ကပ်မသွားခင် ကိုဘကောင်းတို့ ဆိုင်းအဖွဲ့က ဘုရားဂုဏ်တော်ဖွဲ့ သီချင်းကြီး၊ သီချင်းခန့်၊ ကြည်နူးဖွယ် တီးလုံး တစ်ပုဒ် တီးရ သည်။ ဥပုသ်နေ့ မနက်ခင်း အိပ်ရာထဲ ကနေပြီး နှဲကြီးသံ လေးတွဲ့တွဲ့ကြီး နားထောင်ရသည့် လေး နက်ကြည်နူးမှုတွေ၊ ဘာသာရေး ပွဲလမ်းသဘင် တစ်ခုရဲ့ ရိုးရာအမွေ၊ ကျက်သရေ ရှိမှုတွေပဲလေ။ မောင်းထုသံ ကြီးကလည်း ရင်ထဲထိအောင် တုန်ခါ လို့ပေါ့။

ယခုတော့ ၀တ်အသင်းမှာ ဆိုင်းအဖွဲ့ပင် မပါတော့ချေ။ ကက်ဆက်ကလေးကို စက်ဘီးကယ်ရီယာခုံပေါ် တင်ပြီး အော်လံနှင့် ဖွင့်သွားတာဆိုတော့ စက် ဖွင့်သံ ရှီးရှီးရှဲရှဲ နှင့်အတူ ပြာခြောက်ခြောက် တီးလုံးသံလေးကိုသာ စိတ်ပျက်ဖွယ်ရာ ကြားနေ ရသည်။ ဟိုတုန်းကလို မဟုတ်တော့ဘူး အမေ ကြီးရဲ့။ ဆိုင်းငှားခ ကလည်း မတတ်နိုင်ဘူး။ အရင် ဆိုင်းဆရာတွေလို အရုဏ်ဆွမ်းကပ်လိုက်ဖို့ ဒီမှာ လာပြီး ညမအိပ်နိုင်ဘူးတဲ့။ အစဉ်အလာ မပျက်အောင်သာ လုပ်နေရတာ အမေကြီးရဲ့။ အရင် လို ဆွမ်းတော်ကြီးကပ်လိုက်တဲ့သူက သိပ်မရှိ တော့ဘူး။ မစည်ကားတော့ဘူး။ ဘုရားရေ အဲဒါ ဘယ့်နှယ်လုပ်ကြမတုန်း။

ထိုစဉ်မှာ။
အဘွားကြီး၏ သမီးဖြစ်သူ ဒေါသကုမ္မာရ မင်းသမီး အေးသီမ ဒေါကြီးမောကြီး ရောက်လာ သည်။ ထုံးစံအတိုင်း ပါးစပ်က ညည်းညူသံတွေ နှင့်အတူ မကျေနပ်ချက် တွေက ပန်းဘဲဖိုထဲက မီးပွားတွေလို တဖွားဖွား လွင့်စင်လာနေသည်။

"ငါ့မှာသာ အချိန်တန်ရင် ထမင်းအိုးခွံ ပေါ်ရောက်ဖို့ ကြက်ယက်သလို ရှာလိုက်ရတာ အမော၊ အခုထိ စားဖို့မပြောနဲ့ ဆန်ကျိုးတစ်စေ့မှ ရှာမရ သေးဘူး။ ဟိုကောင်လေး။ ပြန်လာရင် တံမြက် စည်းကျိုးအောင်ကို ရိုက်ဦးမှာ။ ကြည့်နေတာ ကြာပြီ။ မဟုတ်တာ ညနေကျောင်းတော့ မတက် ဘူး။ ၀တ်လှည့်လိုက်သွားသတဲ့"

လို့ ဒေါသ တကြီး ပြောနေသည့် အေးသီမ မျက်နှာကို စူးစူး နစ်နစ် ကြည့်ပစ်လိုက်သည်။

"ငါ့မြေး ကျော်ဆန်း ဦးနဲ့ ဆန်ရှာမရတာနဲ့ ဘာဆိုင်သတုန်း အေးသီမ ရဲ့။ ညည်းဟာက မြွေကက်မနိုင် ကျီမီးနဲ့ရှို့။ ညည်း လင် ငမူးတော့ ညည်းဘာတစ်ခွန်း ပြောရဲ သတုန်း။ ငါ့မြေး အသားထိကြည့် အေးနုတဲ့ဟဲ့"

လို့ အသံကို မြှင့်တင်ပြီး အော်ပြောချလိုက်သည်။

ပြဿနာကတော့ ချောင်းဦး ပေါက်သလို အလုံးအရင်းနှင့် ပြေးဝင်လာ နေပြီထင်သည်။ သား အချစ်၊ မြေးအနှစ်တဲ့လေ။ မြေးလေး ကျော်ဆန်းဦး က အဘိုးကြီး ကိုဘကောင်း စိတ်ဓာတ်နှင့် အလွန် တူသည်။ ဆိုင်းကိုလည်း ၀ါသနာပါသည်။ ဆိုင်း ဆရာကြီး တက်ခေတ်ရွှေခေါ် ဦးစိန်ပေခိုထံ သံပတ္တလားနှင့် သီချင်းတက်နေသည်မှာ ဝေဘာ ဂီရိဆင် ကြိုးပင်ရနေပြီ။ ထိုအချိန်မှာပင် မြေး တော်မောင် ကျော်ဆန်းဦး ရောက်လာသည်။ လွယ်အိတ်ကို စလွယ်သိုင်းပြီး လက်ထဲမှာ အထုပ် တစ်ထုပ်ပွေ့ပိုက်လျက်။

"ကျော်ဆန်းဦး လာခဲ့စမ်း၊ ကျောင်းတော့မလိုက်ဘူး မဟုတ်က ဟုတ်က ဒီဝတ်လှည့်ကြီး လျှောက်လိုက်နေလို့ အားကြီး ကြီးစာတတ်ပါ လိမ့်မယ်။ ဒီတစ်ခါတော့ ငါလက်ပိုက် ကြည့်မနေနိုင်တော့ဘူး။ သွား သွား တုတ် ကောက်ခဲ့။ ရှာရဖွေရတာက တစ်ဖက်၊ သင်း ကိစ္စက တစ်ဖက်နဲ့"

ဆိုသည့်အသံက မိုးကြိုးထစ် သလို မြည်ဟိန်း ထွက်လာသည်။

အဘွားကြီး သည်လည်း မြွေဟောက်တစ် ကောင်လို ပါးပျဉ်းခွက် သွားပါ၏။ အဘွားကြီးက နှုတ်ခမ်းပါး တွေကို အားယူချွန်မြပြီး ပြောချလိုက် မည်ဟု ဟန်ပြင်ဆဲ။

"အမေရယ် ကျောင်းကလည်း ညနေ ဖွံ့ ဖြိုးရေးချိန်နဲ့လေ။ ၀တ်အသင်းကလည်း လူ နည်းနေလို့ ဥက္ကဋ္ဌ ကိုယ်တိုင်ခေါ်တာနဲ့ လိုက် သွားမိတာပါ"
လို့ ကျော်ဆန်းဦးက အထုပ် ကလေး ပွေ့ပိုက်ထားရင်း ဆက်ပြောပြန်သည်။
"အမေ ဒါ ၀တ်ဆန်လေ၊ ၀တ်လှည့်လိုက် တဲ့ သူတွေကို ဆန်တစ်ပြည်စီ ပေးတာလေ။ ဆန် တစ်ပြည်ဆို နည်းသလားအမေရာ"

ဆိုသည့် ကျော်ဆန်းဦး အသံကြောင့် အဘွားကြီး မျက်လုံး အစုံ ပြူးကျယ်သွားသည်။ အေးသီမပင် မျက်ခုံး တွန့်သွားမည် ထင်သည်။
"သွား ဒါတွေ ငါ့ လာ ပြောမနေနဲ့။ ပညာရေးထက် ဘာမှ တန်ဖိုး မရှိဘူး အသာနေ မင်းဆန်လည်း ငါမမက်ဘူး။ သွား သွား ဆန်ကောထဲ ဆန်လေးဘူး ခြင်ထည့် ခဲ့။ အချိန်မရှိဘူး"

လို့ ပြောလိုက်သည့် အေးသီမ လေသံပြောင်းသွားပုံကို ကြည့်ပြီး အဘွားကြီး နှုတ်ခမ်းတွန့် ပြုံးဖြစ်သွားသည်။
"ပညာရေးထက် ဘာမှ တန်ဖိုးမရှိဘူး"
"အသာနေ မင်းဆန်လည်း ငါမမက်ဘူး"
အဘွားကြီး နားထဲမှာ ဆက်ကာ ဆက်ကာ ကြားနေရသည်။ အဲသည်စကားကို အေးသီမ ယုံကြည်မှု အပြည့်နှင့် ပြောတာ ဟုတ်ပါ့မလား။ ဟုတ်သည် မဟုတ်သည် အပထား စစ်ပွဲတစ်ခု ကတော့ အေးချမ်းငြိမ်သက်စွာ ပြီးဆုံးလို့ သွား ပေါ့။ အတန်ကြာသော အခါ ၀တ်ဆန်တွေ ထည့်ချက်ထားသည့် ထမင်းအိုး အောက်ဘက်ရှိ မီးဖို မှ မီးခိုးတွေ အူတက်လာ နေတော့သည်။

အနောက်ဘက် မိုးကောင်းကင် ကြီးကတော့ တိမ်တွေ ကောက်လျက် ရဲရဲနီနေပေ သေးသည်။ သူတို့ပိုင်ဆိုင်သော မီးဖိုခန်း ရိုင်ရွဲရွဲလေးမှ လူးလူး လွန့်လွန့် ဝေ့တက်လာသော ပြာနှမ်းနှမ်း မီးခိုးတွေ က ဝေ့ကာဝိုက်ကာဖြင့် နီရဲနေသော တိမ်တွေ ကို နောက်ခံကားပြုပြီး လွင့်တက်လာပုံမှာ ကနုတ်ပန်းခက် ကလေးတွေလိုပဲ ကြည့်လို့ပင် ကောင်းနေသေးတော့။